日作食堂

营业中

休息中

餐厅装修有心思，环境阔落舒适，加入左复古学校教室嘅元素🏫明太子葱花玉子烧 ($68)玉子烧厚身大份，煎得啱啱好里面保持嫩滑，有啲葱花同埋明太子酱，令到味道更有层次每个定食都包一碗面豉汤入边有大大只鲜甜嘅蚬😯 仲有豆腐粒，好暖胃定食仲包一碟芽菜和青瓜，好有心思吞拿鱼四色丼 ($238)刺身新鲜几厚身，拖罗油脂丰富亦都冇筋 👍🏻 份量都唔吝啬，作为吞拿鱼控好满足🥰炙烧丼 ($158)有炙烧三文鱼、4块带子、左口鱼边同埋玉子，个人觉得酱汁有啲多，盖过咗本身刺身嘅味道，但系整体都唔错 好丰富嘅一碗😋咖喱鸡腿肉旋风蛋定食好多块大大嘅鸡件😯 肉质嫩滑璇风蛋出色，卖相好掂又香滑夹埋浓郁微辣嘅咖喱酱汁口感丰富鳗鱼山药烧配酱油糖心蛋帆立贝汤乌冬 ($148)好丰富嘅定食，鳗鱼食唔出有山药味，比平时嘅大板烧无咁实身，混入椰菜丝咬落爽口，配搭鳗鱼汁加蛋黄酱味道唔错，帆立贝乌冬正常发挥定食仲包一杯饮品，可以加钱转特色饮品整体嚟讲食物质素好，环境舒适，餐厅内部比较大，唔会好迫，同朋友倾偈或者一大班人聚会一流 👍🏻—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: if in the area💳 𝗉