OX Steak Lounge

营业中

休息中

难得入嚟大埔，见到呢间餐厅环境几靓，就入咗去试下。首先上枱嘅系牛舌沙律。平时食烧肉就成日食牛舌，配沙律都系第一次试。可能因为系慢煮，牛舌唔太韧而且牛味好农，最深色个块比较干身。一人份量嚟讲算唔少。跟住就系个汤同餐包。餐包就正正常常，但个牛油就比一般牛油香，有少少蒜味。个餐汤好足料，每一啖都食到蘑菇粒，口感几好。呢个千层面比平时见开嘅唔同，食落好香牛味，d面系手工面，好弹牙。系份量比较少。本身系想试下个1++韩牛，但今日太多人食，卖晒。侍应话呢个威灵顿系佢哋餐厅嘅招牌，咁就试下佢。虽然份量系比较细，但食落好重黑松露同鹅肝味，而且个牛嘅生熟程度比较平均。薯条正常，黑松露酱几香。叫咗个特式嘢饮，甜甜哋得嚟又有少少酒味，打卡一流。甜品出色，个心太软唔太甜得嚟又脆脆哋。整体嚟讲，份量比较细，但味道几好，餐包同薯条任食，唔怕唔饱。