復興粥品

营业中

休息中

今日中午口淡淡，吾想食太多嘢，所以去咗复兴粥品叫咗油炸鬼，同埋皮蛋艇仔粥食， 个粥真系好多料，又多碎牛，又多猪皮，又多鱿鱼 ，而且又有花生加埋皮蛋，真系好好味。佢哋个油炸鬼好香脆，可能因为系即场炸嘅关系，所以比起其他舖头𠮶啲好似特别香特别脆，我之前试过牛脷酥都记得好好味，因为呢度如果你就咁叫一个艇仔粥23蚊，加皮蛋都系畀多两蚊，但系佢差唔多有成只皮蛋嘅份量喺入面。所以我觉得一定要叫双拼粥会抵啲。其实复兴仲有生滚粥，有好多料选择，譬如及底粥，虾球粥，斑球粥等等，不过我就比较少叫生滚粥，另外仲有肠粉，佢入面嘅肠粉系即叫即拉但我今次因为一个人食，所以就冇叫肠粉。