石澗日本料理 (已結業)

一大班friend聚会，因为迟迟都无人book位，o系周围都订唔到台o既情况下唯一得石涧有位，所以就试左一次。我地order左一大碟刺身，点知每一件刺身都系大概一张sim card o甘大！ 什么珍宝帆立贝都系得一张sim card o甘大！！！ 个师傅好似唔明白点解平时一件刺身系大块d，请问o甘细块点食得出咩味呀?? o甘样做其实某程度上系浪费紧d食才，食客根本食唔到刺身应有o既鲜味，口感，etc。寿司种类少，但起码d鱼无被切到一粒粒，终于食到本身o既味道，但发觉无鲜味，饭亦握得唔好。炸物都麻麻，有人话炸虾又唔热，唔系好得，所以大家都无再叫。芝士年糕ok，炸带子炸到干晒，炸南瓜，番薯叫左两次都无黎过。蒸蛋好怪，乌冬汤底好咸，烧带子un... 连茶都淡过人！唉，无边好！