影片
更多
2013-08-20
207 浏览
作为一个近贴OPENRICE嘅新晋食家，难得今晚一班中同聚首一堂为一个朋友「庆生」，仲唔拉佢地去位列OPENRICE「餐厅排行榜」三甲嘅千锅居试吓菜？话说我早前BOOK咗10位，一去到就有位，唔须要等。由于新开张不久，地方好新净而且寛敞，可算系一个同一大班朋友们用餐嘅好地方。******************************好，入正题。重庆麻辣鸡煲（半﹣＄138），鸡煲配料有莞茜､大葱､辣椒碎､花椒粒，而花椒味特别突出，所以整个鸡煲都麻麻辣辣，令人流哂口水，相当惹味；不过鸡件比较细少，唔够啖啖肉，如果可以改善呢一点，呢个鸡煲值一百分！酸菜桂鱼锅（＄238），我首先食桂鱼就被俘虏咗，真系好美味！酸菜、芽菜同桂鱼片可算系绝配，桂鱼片非常软滑，由于鱼片冇骨，我食得安心又放心！鱼片的酸菜味令人胃口大增，朋友们对鱼片都赞口不绝；不过汤水味道过份地浓烈，酸到有点苦味，我接受唔到。花蛤蒸水蛋（＄88），呢个花蛤水蛋真系欺骗我嘅感情，首先花蛤同水蛋两种味道根本没有融会贯通，好似硬生生地放埋一齐，水蛋盖过花蛤嘅鲜味，花蛤得几只，有几只入边更系空壳！唯一安慰系水蛋煮得滑，我食咗成碗白饭都系因为个
话说我早前BOOK咗10位，一去到就有位，唔须要等。由于新开张不久，地方好新净而且寛敞，可算系一个同一大班朋友们用餐嘅好地方。
******************************
好，入正题。
重庆麻辣鸡煲（半﹣＄138），鸡煲配料有莞茜､大葱､辣椒碎､花椒粒，而花椒味特别突出，所以整个鸡煲都麻麻辣辣，令人流哂口水，相当惹味；不过鸡件比较细少，唔够啖啖肉，如果可以改善呢一点，呢个鸡煲值一百分！
酸菜桂鱼锅（＄238），我首先食桂鱼就被俘虏咗，真系好美味！酸菜、芽菜同桂鱼片可算系绝配，桂鱼片非常软滑，由于鱼片冇骨，我食得安心又放心！鱼片的酸菜味令人胃口大增，朋友们对鱼片都赞口不绝；不过汤水味道过份地浓烈，酸到有点苦味，我接受唔到。
花蛤蒸水蛋（＄88），呢个花蛤水蛋真系欺骗我嘅感情，首先花蛤同水蛋两种味道根本没有融会贯通，好似硬生生地放埋一齐，水蛋盖过花蛤嘅鲜味，花蛤得几只，有几只入边更系空壳！唯一安慰系水蛋煮得滑，我食咗成碗白饭都系因为个水蛋，btw $88真系完全唔值啰。
九制猪手（＄88），话说我唔知呢款系咩菜式，食咗一口有好淡淡嘅话梅香味，就估到佢系九制话梅猪手！所以系一碟好成功嘅话梅猪手，猪手忟得几腍，个人认为话梅味可以再浓烈一点。
孜然风沙骨（＄138），虽然佢叫孜然风沙骨，但一点孜然粉嘅味道都没有，整碟都铺上炸蒜碎，反而似蒜香风沙骨㖞，有点失望。排骨炸得有点过火，炸得暗暗的，好在味道还可以，排骨肉质均匀，筋位细嫩。
生啫通菜梗（＄68），夏天点能够唔食当造嘅通菜呢？啫啫通菜梗呈嫩绿色，清脆爽口，虾酱味好得！食落有点薯片味！真系好味道！
黄金虾（＄188），以＄188得8只真系呃秤啊，我地同枱9个人都唔知够边个食啰！味道只属一般，咸蛋炸得尚算香，但虾不够香脆，相对起葵芳的金潮小厨，真系差几条街！！而且金潮系一大碟而唔系8只啰，强烈不推介。******************************
另外，「千锅居」服务值得一赞！其一，侍应落漏咗单亦非常诚实承认；其二，当日我们自备咗birthday cake，佢地有雪藏服务，而且食完饭有帮我地换碟﹠叉食CAKE。食咗咁多款，请咗一位朋友，每人都系比咗＄164，价钱亦见化算。总括来讲，今晚同朋友们过了一个开心嘅晚上！
张贴
