德國熱狗 (已結業)

相信好多人都介绍过呢间德国热狗小店，早几日咁啱又经过，好多年冇黎喇！咁多年黎，人流永远都系咁多。热狗肠种类非常多，最后我要咗脆皮烟肉火腿肠。热狗即叫即制。首先烘热个包，再滚热肠仔，最后选择酱汁。包面少少脆口，入面热辣辣，非常软熟。肠皮薄而脆，肠肉亦食得出浓浓嘅烟肉味，就算配埋酱汁都唔会掩盖咗本身嘅肉味。可惜嘅系我冇要埋芥辣酱，否则味道同口感一定会更加平衡。唔紧要！下次再食！