Brotzeit German Bier Bar & Restaurant (形點 I) (已結業)

第一次系香港食德国菜，呢间Brotzeit German Bier Bar & Restaurant系商场入面，气氛好好～有唔同既德国菜式拣，不过个人觉得必嗌既一定系德国猪手！虽然食物质素唔错，不过就真系有啲贵。1️⃣精选拼盘（$828） 有齐德国烤焗猪手、蜜汁烤猪肋骨、同埋四款德国肉肠。猪手皮好脆🤩入面既肉唔会干，食落啖啖肉好满足～猪肋骨好容易做到骨肉分离～蜜汁味香甜。而德国肉肠每款有两条，唔同口味咩都食到啲～另外仲有两款side dish可以拣，拣左德国酸椰菜同埋德国面包饺。酸椰菜解腻一流！然后德国面包饺好有特色，好似一旧薯团咁。  2⃣️巴伐利亚芝士面团（$178） 芝士面团一粒粒咁，有好多芝士🧀️share食啱啱好。  3⃣️黑森林火腿薄饼（$188） 火腿咸香配上火箭菜、芝士片同埋黑醋调味，唔错～饼底系薄薄地既，切好左四四方方一件件咁好方便分黎食。