夏娃 (已結業)

上次黎饮过呢一间餐厅的德国麦啤，真系好好饮，所以今日心思思又想黎encore。我记得上次试了只手工啤，味道唔错，今次又试下第二D，试咗呢一只修道院小麦啤，个Logo有个修士喺度都几顶瘾。呢一只麦啤无上次𠮶只咁浓味，不过小麦味好香，而且因为淡味D，所以好易入口。野食方面就叫咗我最钟意的德国猪手，呢间的猪手皮脆肉香，最紧要就系咬落去唔韧，唔会赵到牙较都软晒，配埋德国啤酒，真系无敌。另外想赞一赞佢地个芥辣，系有一粒粒黑色籽𠮶只，出面通常求其比D黄芥辣你就算鬼数，不过呢一只深黄色有一粒粒黑色籽的芥辣，同猪手好夹，好好味。