Fass (已結業)

决定唔煮饭 出街食餐好既。老公话见到朋友上次食德国菜好正 又想饮啤酒 即刻问左朋友然后出发。餐厅系地牢 布置都好特别 坐在一个个大型酿酒桶入面 哈哈。几好情调。有个大型bar枱 见到好多啤酒 佢即刻双眼发光。只有两个人 要认真谂谂嗌咩食。因为Menu实在太多选择。最后 都是决定一头盘一主菜一甜品。头盘拣左我最钟意的蕃茄水牛芝士。水牛芝士甘香烟韧 上面配上好像香草橄榄油的酱汁 好清新 醒胃。主菜拣左德国菜必食既脆猪手。猪手配上酸菜 炒薯仔。猪手皮烤得好脆 但唔硬 肉质好香 而且一点都唔会太肥 好新鲜 好好食！洋葱炒薯仔 薯仔应该系先炸过 再用洋葱炒 有心思。牛油薯蓉真是超滑好香 食唔停。酸菜如果可以再酸一点 会更加开胃。甜品拣心太软最好。甜甜蜜蜜。卖相不错 配上云呢嗱雪糕 心太软一切就流出半溶的朱古力酱 好浓 暖暖的配上雪糕 正！爱酒的佢拣了德国樽装啤酒 佢话有少少柠味 浓浓麦味 口感浓厚 赞。我就拣了一杯grapefruit mint cooler, 有薄荷叶 主要系西柚汁的味道 几开胃 可以解腻。食饱饱 再去尖沙咀睇灯饰 免得圣诞同人迫。好满足的一晚。