德美壽司 (裕民坊YM²)

营业中

休息中

德美寿司终于系观塘有分店啦，坐落于裕民坊YM商场3楼平台花园，呢层两旁全为食店，中间系环境极之优美嘅园区。德美寿司装修简朴，店内干净整齐，一边排位靠近大玻璃窗，可边吃边看外出花园优美境色。今晚屋企冇饭开，放工就直踩上去德美，先点左一个寿司定食配牛肉乌冬，寿司部份有三文鱼、吞拿鱼、带子、鱼䰵、花竹虾，仲有两件印有德美字样嘅烧玉子；吞拿鱼入口顺滑，原全冇根；三文鱼唔系腩位，但入口尚算肥美；带子就最吸睛，大大粒色泽光亮，又新鲜又肥美；虾系熟嘅，好大只，爽口鲜甜。牛肉乌冬个汤好清唔油腻，乌冬Q弹，牛肉淋滑。食完个餐意犹未尽，打开餐牌就点左个野菜天妇罗😋，黎到仲非常热，系刚炸起😍，炸粉薄薄一层覆盖炸物，好干身一啲都唔油，一贯蕃薯🍠同南瓜🎃都系我嘅至爱，蕃薯粉糯又香甜，南瓜keep住入边仍有水份；最有惊喜系炸露笋，入口仍超爽；最最最有惊喜系粟米🌽天妇罗，第一次食，一排粟米粒咁放入口，外层炸得超脆，内层粒粒粟米系口腔嘀嘀哒哒爆开，又甜又可口😋。