德美壽司 (裕民坊YM²)

营业中

休息中

朋友话想食日本嘢，今日黎到观塘裕民坊，拣咗呢间cp值高嘅德美寿司。餐厅装修以日式木系为主，用餐环境舒适。野菜牛肉锅  $80野菜牛肉锅内牛肉份量都几多，配料亦唔少。锅内有牛肉、温泉蛋、甘笋、金菇同野菜。野菜牛肉锅系寿喜烧汤底，牛肉煮得刚好，牛肉嫰口无膻味。野菜吸收左牛肉汁同汤汁，更觉鲜甜。乌冬  +$30另加一份乌冬，日本乌冬好滑好弹牙，配上寿喜烧甜甜汤底，更好食。大虾天妇罗   $88天妇罗外层炸粉做到好薄身，大虾大大只，一口咬落去，大虾新鲜且弹牙，唔觉唔觉好快食晒。煎鹅肝带子卷 $92太卷 $76两款菜式一齐上碟，摆盘好靓，两款同样有4大件。煎鹅肝带子卷内有鹅肝、青瓜，饭卷外层再放上带子同脆卜卜。鹅肝煎得好香，有鹅油香气，而青瓜丝可减少油腻感，配上新鲜带子同脆脆，做出多重口感。太卷有鳗鱼、玉子、蟹柳、黄瓜丝，腌萝卜。食材虽然简单，但足料又新鲜。