德記潮州菜館

营业中

休息中

我喺中环返工，有个同事住西环，成日听佢讲德记好食，一班同事六七跟佢去食过一次，觉得都唔错。之前公司搅过一次好几围，撞啱我放大假，又约咗人，无去到，返去个个话好食，话我无口福。今次终于可以一试一围菜。果真唔错！我哋覇咗8围，出面排晒长龙，名不虚传！最赞系反沙芋，我食咗3粒！出面少有，有剩，同事叫我食埋，正！几个同事赞绿豆清心爽好好味，我反而觉得无味，太清，唔甜又唔咸。另外个甜品拼盘都ok，丸子唔系实心，几得意。鹅片拼盘入面最好食系海哲，唔系切一条条，系一粒粒，又爽又有咬口。有个4/5宝小点拼盘，我觉得好食，尤其是粒丸，唔知材料，但觉得好有口感，唔系普通鱼蛋。蟹粉蟹肉汤包都好好味，有幸饮咗2碗，有口福！咸菜胡椒猪肚汤都好饮，冬天饮，好暖胃！我只系饮咗1碗啫，因为之前饮咗2碗汤包，所以个肚无位啦！蚝饼就一般。鱼同炸子鸡都ok，但因为我感冒，所以食咗半旧鸡，算做食过啦！芥菜煲都好赞啊！芥菜完全清晒苦味。煎两面黄都ok，唔太油。好彩今次终于试到一围围菜！