天然齋 (已結業)

同女朋友上去试一试呢间素食店, 入到去有分室内同室外, 环境算是不错。 食客唔多, 尚有空枱。 有小菜同快餐供客人选择。见到有快餐心想一试, 好食嘅下次再黎试小菜。 我地坐左系室内嘅二人枱。 然后有一男店员同我地讲室内系食小菜, 如食快餐要到室外。 但今日咁大风。 谂住算吧，就直接试小菜吧。 试左个肉松四季豆同xo花枝炒虾。 四季豆偏咸, 花枝炒虾味道适中。 然后我地见到有2至3枱食客都坐系室内食快餐。 咁我就问问个男店员。 佢就话''系丫, 室内食小菜, 室外食快餐。 𠮶d系老板娘d熟客黎, 唔关我事!" 态度极为嚣张。 不过谂住开开心心食一餐就无再争论落去。 但个人觉得系座落上环区餐厅, 收得呢个价钱都应该比番相等嘅服务, 一视同仁。 但今次经历非常唔开心, 应该唔建议朋友再黎了。