影片
更多
2014-12-28
4076 浏览
对于饮食，自己无乜太多规限，不过，数数手指计一计，近依年真喺多咗食素嘅机会，舅母喺食斋之人，太太有「绿色星期一」嘅习惯，身边亦有啲素食朋友。这晚走到嚟北角嘅「素食‧分子」，跟三几个好友一齐食素，虽然未有打算成为一个全素食者，但食素嘅好处当然心中有数 。餐厅位处堡垒街，跟英皇道平排上斜走上一个街口，感觉旺中带静。而整间餐厅一室洁白明亮，地方大，楼底高，加上一啲手绘墙画及特色摆设，感觉朴素、闲适，叫人有种离开繁嚣、纳闷嘅好心情。翻一转餐牌，形形式式，选择颇多，西班牙式小食、沙律、汤品、薄饼、主食、意粉、饭面、饮品、甜品，味道又渗入多国元素，例如中、西、日、泰、意、马……等地 ，足见大厨真喺使出浑身解「素」。最钟意佢晌菜式侧旁有少少特别注明，如包含奶类、包含蛋类、有机豆类、包含葱蒜……等等，让素食者按自身需求而选择，此外，不设加一服务费，消费更明确 。其实，就算唔食嘢，入嚟饮杯嘢都唔错，因为有啲冻饮鲜果醋供应，如桑椹醋、凤梨醋，果醋功效有几好，上网揾揾就会查到有消除疲劳、防止动脉硬化、促进血液循环……十多种好处；天气冻想饮啲热饮，无问题，多种花茶任君选择，花茶亦都喺有益健康，功能多多。
餐厅位处堡垒街，跟英皇道平排上斜走上一个街口，感觉旺中带静。而整间餐厅一室洁白明亮，地方大，楼底高，加上一啲手绘墙画及特色摆设，感觉朴素、闲适，叫人有种离开繁嚣、纳闷嘅好心情。
翻一转餐牌，形形式式，选择颇多，西班牙式小食、沙律、汤品、薄饼、主食、意粉、饭面、饮品、甜品，味道又渗入多国元素，例如中、西、日、泰、意、马……等地 ，足见大厨真喺使出浑身解「素」。最钟意佢晌菜式侧旁有少少特别注明，如包含奶类、包含蛋类、有机豆类、包含葱蒜……等等，让素食者按自身需求而选择，此外，不设加一服务费，消费更明确 。
其实，就算唔食嘢，入嚟饮杯嘢都唔错，因为有啲冻饮鲜果醋供应，如桑椹醋、凤梨醋，果醋功效有几好，上网揾揾就会查到有消除疲劳、防止动脉硬化、促进血液循环……十多种好处；天气冻想饮啲热饮，无问题，多种花茶任君选择，花茶亦都喺有益健康，功能多多。
珍香园百年老号冷豆腐配日式麻酱 $25 卖相小巧精致嘅冷豆腐来自老铺「珍香园」，豆味浓郁，挺身而不死实，日式麻酱调校得麻香处处，带微微酸，却又无抢走豆香味，做到平衡有序。
珍香园百年老号冷豆腐配日式麻酱
$25
142 浏览
0 赞好
0 留言
依一款小食喺近嚟嘅新推介，感觉有少少沪菜点心萝卜丝酥饼嘅影子。食落，原来内里有芋蓉、甘笋、粟米作馅，再用薯仔丝包实酥炸，所以，入口外脆内绵，并配以香菇酱伴食，味道浓而不俗。
千丝素蟹枣
$48
109 浏览
0 赞好
0 留言
招牌拼盘 $98 招牌拼盘本身包括有5款小食，分别喺红椰菜芝麻沙律、冷豆腐配日式麻酱、子姜皮蛋、夫妻肺片及卤豆干，今晚嘅拼盘被告之有少少改动，以香煎素鹅及手工扎蹄取代咗冷豆腐及子姜。
一客招牌拼盘以5小碟形式拼凑而成，逐样跟大家短评一下：红椰菜芝麻沙律 - 红椰菜酸爽轻怡，撒上芝麻，带点点香味，有画龙点睛之效；
香煎素鹅 - 素鹅煎得金黄香脆，一咬咔咔声，内里填满甘笋、沙葛、木耳丝，极有口感；
夫妻肺片 - 以面筋、蒟蒻、大豆做出几样「牛」嘅部位，配以辛辣麻香嘅味道，几特别；
手工扎蹄 - 以腐皮一层又一层折叠而成，紧致有咬口，入口富豆香；
卤豆干 – 质感实净硬身嘅豆干，卤得入味，有嚼劲。
招牌拼盘
$98
146 浏览
1 赞好
0 留言
汤品有数款选择，首推嘅喺是日中式炖汤，是晚喺虫草花茶树菇炖汤，一开盖菇香四溢，定价确喺有点贵，建议两个人共享一盅，但落料足，数一数有虫草花、茶树菇、腰果、合桃、桂圆、栗子、马蹄……等等，清炖几个钟，唔香就有鬼 。一啖入口，清润浓香，既健康，又养生，饮完一股暖意在心头，超正呀。
是日中式炖汤（虫草花茶树菇炖汤）
$98
109 浏览
0 赞好
0 留言
香叶椒辣炒肉碎生菜包 $88 肉碎生菜包不嬲都惹味爽脆好食，就算以面筋制成嘅「肉碎」，一样做出有应有口咬，加入香叶、毛豆、泰式辣椒炒成，辣辣哋，非常惹味，再配合新鲜爽脆嘅生菜，浓香而清新。
香叶椒辣炒肉碎生菜包
$88
136 浏览
2 赞好
0 留言
日式煎饼 $38 / 2件 煎饼主要以白萝卜丝做成，加入少少沙葛丝，味道较为清甜，口感粉腍黏糯。不过，以日式煎饼做法，香煎后下啲酱油，唧上沙律酱，咸咸哋，酸酸哋，但唔会有太大惊喜，算叫做一试无妨。
日式煎饼
$38
135 浏览
1 赞好
0 留言
墨西哥薄饼 $98 店家一共有4款薄饼供应，据店员讲以依款墨西哥薄饼及招牌薄饼最人气。薄饼饀料只有三色椒及芝士，但入口味道好特别，甜甜哋，又好有芝士香，食落又有一朕紫菜味，好奇一问，原来落咗一种香椿酱 ，薄饼面黑黑哋𠮶啲就喺，小弟学识浅薄，真喺第一次接触，所以，成件事都觉得好得意。此外，饼底属于薄批类，边位特别脆口。
墨西哥薄饼
$98
88 浏览
0 赞好
0 留言
黑松露、意大利饭喺小弟两样心水食材，个烩饭饭粒烟韧，粒粒沾满忌廉汁及黑松露酱，带黏性而又富浓浓黑松露香气，兼且饭有有好多野菌、菇粒。虽然插上几片墨西哥粟米片，增加卖相可观性，不过，唔香脆嘅粟米片，变得有啲多此一举啫。但个饭嘅味道，实在令人回味，仍然觉得值得挨介。
黑松露野菌意大利饭
$98
95 浏览
0 赞好
0 留言
近嚟都几大热嘅蘑菇包，晌度都一样有供应。个蘑菇包做成一大只香菇，像真度高，已经喺其中一个亮点，最抵死连底下粒菇椗都有嘛 ，仲要加埋黑松露，自然更矜贵，更吸引，可见师傅手势好，又有心思。搣开个包，里面以新鲜白菌粒入馔，兼且切得幼细，仲有朕朕黑松露幽香，食落包身十分松软，而且更加入咗少少姜蓉、黑椒，令味道唔单一，另一必推心水 。
黑松露蘑菇包
$42
171 浏览
1 赞好
0 留言
除咗晌度可以饱餐一顿，入门口左边几组大货架亦设有零售，主要售卖素食或有机食品，产品多样化，唔买都埋嚟睇吓，对素食或有机有兴趣嘅朋友，就真喺要埋嚟睇、埋嚟拣 ！
「食」、「买」以外，仲有「睇」，因为店内有少量有关健康饮食嘅参考书，攞番本嚟八吓都无妨。
依个年代食素已经唔喺一啲食而无味嘅事情，食素一样可以做得有卖相，有特色，有层次，就好似今晚所品尝嘅菜式，都食得大家津津有味，绝对唔会有咩好投「素」 。
题外话/补充资料：
用上多个国家cooking style黎煮veggie,good
(以上食记乃用户个人意见 , 并不代表OpenRice之观点。)
张贴
