心之食堂 (裝修中)

今日放工后同朋友去左铜锣湾行街，行到咁上下突然好想食串烧，醒起百乐中心有得食，就过左黎了！由于太想食串烧，所以我地只系叫左一份主食，留肚同串烧战斗。石板热辣辣，带子超大粒又弹牙，加上黑松露嘅香味，食完一只就忍唔住口又食多一只。冇谂过呢串汁烧白鳝可以咁好味，好爽口好入味，鱼皮脆卜卜，如果一串多几件就好啦。上菜嘅时候侍应为「牛三宝」加「火」，三宝分别系牛舌、肥牛卷、牛柳粒，仲有菠萝，送酒一流！猪颈肉乌冬清清地，好多粟米。食串烧又点少得苹果醋！青蛙王子其实系忌廉加抹茶雪糕，仲有少少薄芎荷味，第一次试呢个组合，又唔错㖞。