3rd Space (已結業)

前几日本来约咗朋友晏昼嚟食呢间cafe，点知起身竟然遇著黑雨。终于等咗几日天色明朗，即刻叫朋友陪我去食我心心念念嘅pancake。睇完餐牌之后，我哋叫咗嘢饮，一个咸点同一个甜点，上菜速度都算几快。🐷24小时浸煮鲜豚肉角煮慢煮蛋谷米茶渍饭～鲜豚肉角肥瘦均匀，慢煮蛋谷米有咬口几健康，加埋粒温泉蛋成件事非常滑，滑得黎有口感，而且调味几清新特别，第一啖食落去有啲浓，但系加埋茶渍落去之后就啱啱好，食完有饱肚感，但无好饱腻。🥞日本宇治抹茶pancake～呢个pancake一如以往地高颜值，宇治抹茶微微甘苦，正好平衡雪糕甜味，加埋中间嘅软糯麻薯，完全系令人欲罢不能。而且好iGable，见到几乎台台都叫呢款pancake甜品，系正。饮品方面✨鲜菠萝酱薄荷梳打～香香甜甜又带点天然果酸，感觉好夏日消暑，几适合夏天饮。✨皇室伯爵鲜果茶～好清新解腻，仲带少少果香，不错。整体黎讲食物质素都几高，而且d野好靓，可以encore。唯一系店员如果可以笑多啲😆，咁就更亲切更完美啦。