火鍋撚 (雲明行) (已結業)

揾到间几正几好食既火锅介绍比大家，就是火锅撚！某几般时间埋单还有折头，更加抵食。餐厅环境设计带故宫感觉， 还有兵马俑既摆设，几有 feel.不得不提就系妈妈滋润老火汤锅汤底， 真系十足十屋企煲既汤一样！非常有家既感觉，好甜好浓郁！份外有种滋润甜在心既感觉。 粟米既清甜，猪展瘦肉，鸡既肉香， 还有猴头菇，红萝卜，蜜枣等等！非常足料。另外细心一提，所有火锅配料都可以选择半份或一份！变相可以叫多d. 唔种类既食材。非常加分！珊瑚蚌拼桂花蚌， 有温馨提示只要轻灼十秒就食得， 非常鲜味而且爽脆口感，好吸引！极品安格斯肥牛，色泽红润，纹理丰富，口入真系有种就快溶开既感觉！好绵身又够滑，而且牛香非常突出，好耐无食过咁正既牛肉， 钟意食牛肉既必叫。流心咸蛋黄猪肉丸，质感好有弹性，轻轻咬开就有爆酱感觉，内层既咸蛋黄味渗出，好过引！唔会太咸，几好食。小食叫左椒盐九肚鱼， 炸得非常香脆， 外脆内软， 入口松化，又唔会太过油腻。埋单时候还有腐竹鸡蛋糖水， 用上古时嘅器皿盛住！几特色又抢眼， 最重要系非常好食，中和哂打完边炉饱饱济济既感觉。 味道清香，带腐竹薏米既味道沙冰，一试难忘。