心之食堂 (裝修中)

环境4分：门口和风设计划哂花，室内又有花草单车，好大自然，装修好有心思。位置唔多，同唔会密麻麻，畀四分。卫生4分：地方几光几干净。服务5分：个个都好有礼貌，坐低即有热茶饮，Ｄ嘢食黎得够爽手。餐牌自己划上去，仲惊人地睇唔到，但真系冇落错单，抵加分。味道4分：1)      三文鱼颜色靓，又厚又肥美，满分！2)      邪恶包个带子好淋好嫩，中间旧鹅肝好滑好软熟，有菜同紫菜包住好爽，完全唔邪恶。3)      鸡皮爽脆唔油，仲有成三串咁多，绝对抵食。4)      串烧牛脷又爽又淋。5)      火焰牛柳串侍应落酒烧𠮶阵时，真系估唔到会咁大火，要十零秒先烧完。烧完之后啲牛柳仍然好淋，好有味，中间夹住啲红椒黄椒，真系好似bbq完咁。6)      条茄子仲大𠮶只手掌，煮到好淋，上面有Ｄ蒜蓉同少少辣酱，都几惹味。食𠮶阵时要一丝丝咁扯出嚟，感觉好原始。7)      原条鳗鱼石锅饭成个石窝咁上枱，超级热辣辣，真系要等一阵先可以食到。上面条鳗鱼好长好肥美，食到最尾发现有饭焦，脆卜卜，而家真系好难食到有饭焦嘅石锅饭。抵食4分：一人唔使三百蚊就可以食到Ｄ咁有心嘅日本嘢，可以畀四分。