影片
更多
2016-11-27
630 浏览
朋友介绍观塘有家私房粤菜非常出色，知道老豆钟情中餐，一于有佢去试下!因为系私房菜嘅关系，所以一定要BOOK 位。虽然餐厅位于工厂区，但一入到去好有家嘅感觉!每一个角落都各有特色!一问之下，原来每一个地方系由每一个职员，发挥自己嘅创意怖置出嚟，所以各有唔同风格!!餐厅特色就系无餐牌比你即时点菜，厨师会按每季当造食物制定餐单!。今次我地点左Dreamix厨-壹(秋冬)1.冰镇花胶2.Dreamix 双喜3.昌妈妈炆猪肉4.杏汁猪肺汤5.虫草花上汤浸时蔬6.糯米鸭7.百花蜜脆鳝8.叶婆婆冬瓜黑松露冻花胶一朵朵花胶因为厚身，爽口得嚟咬落胶质都几重，正，一定好多胶原BB!花胶捞左黑松露麻酱，松露味好浓，而底下嘅新鲜青瓜好爽口，可惜黑松露麻酱太少，如果可以多啲，捞埋青瓜一齐食就太好了!Dreamix 双喜双喜系边双喜?!知唔系黄金蟹盒同埋酥炸生蚝!酥炸生蚝好肥美，好食唔在话，但黄金蟹盒先至有惊喜~内有生拆蟹肉、蛋同埋蟹子，一啖咬落去，好香蟹味，因为有蟹子，食落「索索」声，好有口感!岩晒懒拆壳嘅大佬啦(佢食左两嚿啰......)杏汁猪肺汤足料靓汤，姑姐话洗个猪肺都洗成粒钟，而且杏汁味好浓郁，入口非常
因为系私房菜嘅关系，所以一定要BOOK 位。
虽然餐厅位于工厂区，但一入到去好有家嘅感觉!每一个角落都各有特色!一问之下，原来每一个地方系由每一个职员，发挥自己嘅创意怖置出嚟，所以各有唔同风格!!餐厅特色就系无餐牌比你即时点菜，厨师会按每季当造食物制定餐单!。
今次我地点左Dreamix厨-壹(秋冬)
1.冰镇花胶
2.Dreamix 双喜
3.昌妈妈炆猪肉
4.杏汁猪肺汤
5.虫草花上汤浸时蔬
6.糯米鸭
7.百花蜜脆鳝
8.叶婆婆冬瓜
黑松露冻花胶一朵朵花胶因为厚身，爽口得嚟咬落胶质都几重，正，一定好多胶原BB!
花胶捞左黑松露麻酱，松露味好浓，而底下嘅新鲜青瓜好爽口，可惜黑松露麻酱太少，如果可以多啲，捞埋青瓜一齐食就太好了!
Dreamix 双喜双喜系边双喜?!知唔系黄金蟹盒同埋酥炸生蚝!
酥炸生蚝好肥美，好食唔在话，但黄金蟹盒先至有惊喜~
内有生拆蟹肉、蛋同埋蟹子，一啖咬落去，好香蟹味，因为有蟹子，食落「索索」声，好有口感!岩晒懒拆壳嘅大佬啦(佢食左两嚿啰......)
杏汁猪肺汤足料靓汤，姑姐话洗个猪肺都洗成粒钟，而且杏汁味好浓郁，入口非常顺滑、滋润。
昌妈妈炆猪肉非常邪恶嘅一道菜!!!
猪腩猪炆到非常松软，入口即溶，肥姑丈衬我地唔觉意偷偷地食下食下，一个人都食左差唔多一半，好在佢食左解药啫(三高人士明白的)!
糯米鸭终于到我地全晚最期待嘅糯米鸭喇!!
负责人同我地讲，呢仔鸭件由准备到上枱要两日时间!
前一日，要浸糯米，酿入鸭中，再攞去炸!
之后仲要经过几次蒸焗将鸭油一次一次蒸出嚟!
糯米鸭有啲似八宝鸭，但就无咁多「宝」，厨师只放栗子同糯米。有时食八宝鸭总会觉得「太多料」，口感太复杂....
但今次就唔同了，糯米同超甜栗子都煮到好绵，食落阵阵鸭香，虽然饱，都忍唔住添咗两碗饭!
虫草花上汤浸时蔬好!大!碟!呀!重复，我地开始饱了...不过菜嚟啫!本来大家都谂住比面派对，每人食小小啦，谁知食落菜心非常清甜(老板每日都会亲自落街市拣靓菜)，你夹一啲，我夹一啲，不知不觉，虫草花上汤浸时蔬K.Oed!
百花蜜脆鳝记得细个呀嫲讲过，食鳝一定要食「风」鳝，「风」鳝先至够爽口!今次呢条一定系「风」鳝因为百花蜜脆鳝肉质非常爽口弹牙，加上炸得香口，配合滋润嘅百花蜜，好惹味!但系嚿鲜真系好大嚿....胃口细啲都食唔晒....其实真系可以细嚿啲.....
叶婆婆冬瓜叶婆婆是谁?!叶婆婆系餐厅其中一个负责人嘅婆婆，呢味叶婆婆冬瓜就系负责人细个婆婆成日整比佢食嘅菜。
冬瓜中间夹咗金华火腿，蒸熟后面头加上虾干粉，食落好香火腿味，但唔会觉得太腻，感觉清新，为今晚划上完美句号.....
且慢，唔好划句号住!!!!今晚餐厅自家制左健康奶冻请我哋食点解健康?!因为佢唔系用一般白糖制作，而系用咗升糖指数低嘅棕榈糖制作，即系糖尿病、老人家都食得。
真是满足的一餐!!唔只我，好在家中老爸都好满意，仲过用几百蚊去食自助餐，不如嚟呢度食心思菜...(得喇明喇，我知点做喇)
张贴
