SHAO (已結業)

其实响旺角行过少少何文田果边有都唔少餐厅，小店风情装修嘢食有心思之余又唔洗响旺区同人迫，今次呢度就系其中一间感觉呢度部分菜色都夹杂唔少fusion味，炸牛油果用上肉质超腍嘅牛油果炸到外脆内腍，然后加上紫菜碎同芝麻令到成件事日式咗；另外主菜枫糖叉烧用上慢煮嘅西班牙黑毛猪，肉质软腍再烧到外面脆脆地，而个姜葱酱就似西式忌廉酱咁但又有食烧味果阵姜油味，非常过瘾另外较有惊喜嘅仲有鹅肝汉堡，超厚身嘅鹅肝配上黑松露酱呢种重口味酱料但又唔会互抢，再加上酸甜并重嘅无花果酱解腻，味道三位一体配合得好调和超出色仲有其他菜色，爆甜嘅墨西哥烧粟米仔/超厚切牛舌串烧/鲜味香浓嘅龙虾他他/面质弹牙嘅明太子意粉/慢煮肉嫩嘅腹肉牛排，质素皆有水准，值得一试