點點心思 (已結業)

公司会计婆婆住院一周后胃口大增，朝早又懒得早起煮饭，中午就孖XO仔喺附近间「点点心思」食饭。可能返枱快，小店午市都唔系咁满，不过啲位就真系劲迫，小肥坐得唔系咁舒服啰！彩色o既点心纸中英对照，图文并茂，简单易明，两口子好快就点咗四款点心。后因见到镜上「带子墨鱼饺」幅硬照觉得都几可爱，所以就加咗客黎试。落好单，楼面伙计会即时印出单据，大家记紧要核对一次，因为周边几张搭枱o既食客，包括我地在内，都发现当中有错漏。雪影叉烧餐包（$22/三只）：只属和暖o既叉烧餐包皮层过份软腍，完全冇墨西哥包应有o既磨砂带脆o既质感，似乎点点心思只系放咗喺其雪影之名，而未有投放于烹调过程。。。驰名鲜虾饺（$28/四只）：新鲜蒸起o既虾饺尚算热辣，可惜皮层过厚，而且个虾馅仍有阵雪味，莫非系驰名唔好食？！灌汤小笼包（$22/四只）：辣口o既小笼包皮厚馅油腻，认真麻麻。带子墨鱼饺（$30/两只）：墨鱼饺实物o既外型同相片差得都几远吓，幸好食落都叫做几爽嫩，未至于失望透顶。萝卜丝酥（$25/三只）：萝卜丝酥外皮就够金黄松化，无奈咬落则成口面粉，有未熟之嫌，唔多掂。茶餐厅格局o既「点点心思」唔好坐之余，食物质素偏底，厨房