楓 (已結業)

记得哩间既手作蛋糕好好食!! 见到有新野，就黎顺使食埋个大阪烧!最Classic既大阪烧梗系配章鱼~ 足二人份呀!!就咁睇都见到好足料, 啖啖都食到蔬菜同章鱼, 唔会成旧粉咁, 口感好好同埋D章鱼粒好弹牙, 加埋个烧汁同木鱼真系好香好好味。飞驒和牛汉堡扒蕃茄汤乌龙面汉堡扒煎得香又JUICY, 而且几厚身下。 蕃茄汤底食得出冇味精, 应该自家用鲜茄整,  仲留有D蕃茄蓉既口感。乌冬Q弹挂到汤汁, 几好食!野饮叫左凤梨柠像梳打同埋焙茶豆乳, 哩间既豆乳系列都几浓几好饮, 配蛋糕或者大阪烧都几夹。最后食唔落蛋糕, 点左个乳酪雪糕 , 有好多配料同口味拣!!<<开心果脆脆＋麻糬粒粒＋布朗尼＋开心果酱 >>我觉得本身个乳酪雪糕原味都已经够好食, 可以拣D冇咁浓味既酱,  开心果味够特别又好味, 食到中间超多酱, 配埋开心果碎就perfect~