影片
更多
2014-11-13
794 浏览
今次同海鲜控嘅朋友食生日饭, 佢嘅要求就系要食靓刺身haha, 睇饮食杂志介绍咗呢间「隐世餐厅」, 比佢嘅鱼肝吸引咗, 就黎试下啦 (原来鱼肝要早啲打去订先有!! 有兴趣嘅朋友记得啦 )嗌咗杯梅酒等朋友 味道有啲似自己平时屋企饮开个只, 走咗去问店员系咩牌子, 佢就成支攞出黎俾我睇, 影返张相先 酒精味唔重, 梅味都几香, 酸微微唔会太甜, 唔错㗎前菜烧三文鱼腩海鲜沙律啱啱烧好嘅三文鱼油会流落沙律菜到, 捞一捞啲鱼油同啲蔬菜夹埋食好正! 啲麻酱特别香, 食落好开胃 师傅系刺身面加咗啲日本柚子, 感觉好新鲜! 好似桂花花落嘅感觉, 闻到阵淡淡嘅果香建议大家食嘅时候完全唔加其他调味酱料 普通嘅刺身食得多？咁可能要试下哩个吞拿鱼腩刺身喇吞拿鱼腩同背景只手一样咁肥美, 用紫菜包住食, 配埋少少嘅海盐同一块紫苏叶, 感觉突出咗吞拿鱼腩个鲜味!! 趁紫菜仲脆嘅时候就快啲食喇 跟住就食咗个牡丹虾三文鱼吞拿鱼腩海胆花之恋(自己作嘅 )咁多种令人流晒口水嘅刺身配埋一齐, 一次过满足晒N个愿望!!全部都好鲜甜, 值得一试煮物海胆好新鲜入口即溶, 下面系山芋同鱼蓉之前试过磨山芋, 系好
嗌咗杯梅酒等朋友 味道有啲似自己平时屋企饮开个只, 走咗去问店员系咩牌子, 佢就成支攞出黎俾我睇, 影返张相先 酒精味唔重, 梅味都几香, 酸微微唔会太甜, 唔错㗎
前菜烧三文鱼腩海鲜沙律
啱啱烧好嘅三文鱼油会流落沙律菜到, 捞一捞啲鱼油同啲蔬菜夹埋食好正! 啲麻酱特别香, 食落好开胃
师傅系刺身面加咗啲日本柚子, 感觉好新鲜! 好似桂花花落嘅感觉, 闻到阵淡淡嘅果香建议大家食嘅时候完全唔加其他调味酱料
普通嘅刺身食得多？咁可能要试下哩个吞拿鱼腩刺身喇吞拿鱼腩同背景只手一样咁肥美, 用紫菜包住食, 配埋少少嘅海盐同一块紫苏叶, 感觉突出咗吞拿鱼腩个鲜味!! 趁紫菜仲脆嘅时候就快啲食喇
跟住就食咗个牡丹虾三文鱼吞拿鱼腩海胆花之恋(自己作嘅 )咁多种令人流晒口水嘅刺身配埋一齐, 一次过满足晒N个愿望!!
全部都好鲜甜, 值得一试
煮物海胆好新鲜入口即溶, 下面系山芋同鱼蓉
之前试过磨山芋, 系好黐手好麻烦而且考功夫嘅事, 系呢到食到真系好难得
青瓜切得好幼细, 卖相好精致, 带子系日本新鲜运黎香港, 师傅喺带子切咗几刀, 令啲酸汁更加好渗入, 好开胃, 又可以继续食 (不得了...!!)
渍物白萝卜黄萝卜牛蒡
有啲炒过嘅芝麻, 远远都闻好香
烧右口鱼牛油果寿司(原来右口鱼系比左口鱼肥啲嘅, 仲以为师傅讲笑 ) 都试过自己焗牛油果, 但都整唔到呢种好似食牛油嘅感觉, 好好食
烧和牛好钟意有咁多京葱, 食落唔会好油, 亦都好香好腍! 一旧系绝对唔够㗎!
烧金䲝鱼腩寿司一食落去就成口Omega3, 上面有d辣椒萝卜蓉, 配搭非常特别, 钟意食辣既朋友绝对唔可以错过
甜品绿茶红豆奶冻
奶冻唔会落太多鱼胶, 好滑身, 上面嘅绿茶用咗日本茶道嘅泡茶方法做, 食落接近无糖, 食到好满足, 一啲都唔觉得滞
*一个美满嘅安排, 4个钟一餐, 由头盘各种刺生寿司烧物面豉汤甜品等, 师傅同我地详细解释每一道食材, 专业亦风趣点样行过黎: 由佐敦地铁站地铁B1出口向油麻地方向行过3个街口, 会去到永安对面周大福隔离个个小小巷入就到茂林街就会系左边见到间餐厅 , 搭巴士嘅朋友可以系油麻地西贡街站落仲方便
题外话/补充资料：
,
(以上食记乃用户个人意见 , 并不代表OpenRice之观点。)
张贴
