影片
更多
2014-07-10
819 浏览
一人一锅晌香港已经唔喺咩新事物，晌台湾亦喺好普遍，旧年就曾经到「一锅」试过其台日式精致小火锅，印象唔错。今次重临，事缘新出咗两款鸡锅底：古早柑桔鸡锅及上品花雕鸡锅，都甚有兴趣想知道两者味道如何！座落晌天后琉璃街嘅一锅，邻近天后地铁站，交通极之方便。而店内环境简单骨子，感觉舒适，无一啲做任饮任食火锅嘅酒楼咁嘈。此外，以2、4人枱居多，适合三几个朋友嚟聚聚。店员话为方便管理，分咗3个时段：6:00pm-8:30pm、8:30pm-10:30pm、10:30pm-12:30pm，不过，都解释依个都唔喺硬性规定，如果当晚人客唔算太爆，都唔会太跟足个时段做嘢，早啲嚟又得，晏啲走都得，但如果撞正日子旺，就最好麻烦要依时交枱喇。虽然以前个食评已写过，都概略讲讲一锅嘅收费方式。享用模式好简单，一条方程式就明晒：汤底1锅 + 肉类1份 + 配菜饮品自助 + 加送台湾啤酒1罐 + Haagen-Dazs雪糕1杯，而收费取决于所拣选嘅肉类。肉类分为4大类、5个级别价钱：牛肉类- 美国雪花肥牛200g（$198）- 美国安格斯牛肩胛肉200g（$248）- 美国安格斯去骨牛小排200g（$298）- 美国顶级
座落晌天后琉璃街嘅一锅，邻近天后地铁站，交通极之方便。而店内环境简单骨子，感觉舒适，无一啲做任饮任食火锅嘅酒楼咁嘈。此外，以2、4人枱居多，适合三几个朋友嚟聚聚。店员话为方便管理，分咗3个时段：6:00pm-8:30pm、8:30pm-10:30pm、10:30pm-12:30pm，不过，都解释依个都唔喺硬性规定，如果当晚人客唔算太爆，都唔会太跟足个时段做嘢，早啲嚟又得，晏啲走都得，但如果撞正日子旺，就最好麻烦要依时交枱喇。
虽然以前个食评已写过，都概略讲讲一锅嘅收费方式。享用模式好简单，一条方程式就明晒：汤底1锅 + 肉类1份 + 配菜饮品自助 + 加送台湾啤酒1罐 + Haagen-Dazs雪糕1杯，而收费取决于所拣选嘅肉类。肉类分为4大类、5个级别价钱：牛肉类
- 美国雪花肥牛200g（$198）
- 美国安格斯牛肩胛肉200g（$248）
- 美国安格斯去骨牛小排200g（$298）
- 美国顶级肉眼200g（$348）
- 澳洲和牛肉眼180g（$498）
猪肉类
- 培根猪200g（$198）
- 日本松阪猪肉200g（$248）
- 日本黑豚梅花肉200g（$298）
羊肉类
- 纽西兰小羊卷200g（$248）
鸡肉类
- 美国无骨滑鸡肉片200g（$198）
此外，亦可以以优惠价再追加，例如第5级别嘅雪花肥牛、培根猪、无骨滑鸡肉片都只不过$20 / 100g，其他为$30 / 100g（第4级别）、$50 / 100g（第3级别）、$80 / 100g（第2级别），而第1级别就当然喺最贵，追加价为$150 / 100g。（以上所有价格当然要加收10%服务费）
上述都喺基本套餐，仲有1款龙虾 / 毛蟹餐，1人份收$398 + 10%，2人份收$738 + 10%，前者包括龙虾或北海道直送毛蟹1只，汤底1锅，肉类4选1（牛小排、梅花肉、小羊卷或滑鸡肉片），配菜饮品自助（加送台湾啤酒1罐），Haagen-Dazs雪糕1杯；而后者则汤底2锅，肉类4选2，另再加一份海鲜拼盘（广岛蚝及带子）。
汤底比以前所见多咗3款，依家一共有成11款：台式麻辣锅、日式寿喜烧锅、北海道牛奶锅、养生蕃茄锅、香浓咖喱锅、牛骨汤、猪骨汤、素菜汤、冬荫功汤、昆布面豉汤、日式鲣鱼汤。对上一次已试过日式寿喜烧锅及养生蕃茄锅，以后者做得突出且啱心水。今次既然冲著新出品而嚟，就当然试新产品为首要目标，可惜，个古早柑桔鸡锅太受欢迎，是日沽清，幸而仲有上品花雕鸡锅，当然，未能一次试齐两款新品，心里总有点「心有不甘」嘅感觉。而依两款新锅收费模式跟基本套餐大同小异，包鸡锅1锅，肉类4选1（牛小排、梅花肉、小羊卷或滑鸡肉片），配菜饮品自助（加送台湾啤酒1罐），Haagen-Dazs雪糕1杯，食完鸡锅加汤再涮肉类及配菜，暂时嘅试食价喺$338 + 10%。
上品花雕鸡锅估唔到，鸡件份量不少，睇嚟至少都有半只鸡，可知道，依个喺一人份量嚟架。锅内仲有洋葱、芫荽、西芹等材料一起加热，滚起再倒入一小杯花雕酒，即时酒香四溢。鲜鸡件的确好味，嫩滑以外，带微微酒香，据餐牌介绍，此养生鸡锅更有行气活血、驱寒保健之效。
美国安格斯去骨牛小排个上品花雕鸡锅嘅肉类拣咗牛小排，原来，因为个锅有半只鸡，所以，份牛小排喺比基本套餐少一半，即喺100g，其实，过吓口瘾已好够食。安格斯唛头，喺品质保证，牛小排油花多而平均，轻灼后软腍而肉味浓厚，正。
北海道牛奶锅依个牛奶锅相对就简单啲，采用北海道3.6牛乳，配合自家熬制嘅猪骨汤，加点杞子、红枣之类药材而煮成。汤底滑溜富奶香，鲜甜健康。唔需要担心个牛奶锅会越沟越淡，一锅细心之处就喺每款汤底都有预备咗独立嘅「补充汤底」，即喺北海道牛奶锅会加番牛奶汤底，养生蕃茄锅则加番蕃茄汤底。相反，由于水份蒸发，怕汤底会越滚越浓，加点水沟淡少少作平衡都得。
日本黑豚梅花肉足200g嘅基本份量，梅花肉刨得超薄，色泽粉嫩，肉质细致柔软，睇落脂肪唔算多，配北海道牛奶锅都好唔错。
一人一锅采用小型嵌入式电磁炉，无火既安全又无咁热，开关及火力调较就晌枱边，1-5度火力完全掌握阁下手中，完全自我操控。
自助配菜一入门口左右两旁就会揾到所有配菜，等小弟一口气讲晒有咩啦（由下至上，并左至右）：白萝卜、芽菜、紫心番薯、板豆腐、莲藕、鸡脾菇、秀珍菇、金菇、云耳、鲜冬菇、洋葱、豆卜、龙虾球、海鲜球、冬瓜、南瓜、芝士蛋、芝士包、虾腐皮卷、沙律包、幸福包、香菇贡丸球、蟹粉蟹籽包、樱花虾片、干贝鲜虾丸。另一边厢，又有菠菜、油麦菜、小棠菜、娃娃菜及唐生菜，样样都翠绿新鲜；兼且挂有粉丝、出前一丁、日式乌冬、统一福面，自家制拉面等。全部任夹任食，拎多拎少，份量随你心意。用料都颇新鲜，尤其啲蔬菜，个别丸类又几特别，而自家制拉面值得捧场。
自助饮品一大雪柜放满多款支装汽水，如可口可乐、雪碧、芬达、玉泉忌廉，此外，上层又有几款特饮，是晚就喺水蜜桃汁、芭乐汁、荔枝汁，其实睇佢侧边放有好多名牌（乌梅汁、冬瓜茶柑桔柠檬……等等），就知啲特饮每晚都会轮流登场。至于额外送赠嘅台湾凤梨味水果啤酒，试咗少少，跟饮一般嘅啤酒口感差唔多，只喺味道多咗一层菠萝味，而且入口又甜甜哋，都几有趣。
自助酱料点解临尾先介绍啲酱料？其实两个锅都唔错，渌起啲肉或配菜都有味，食咗成晚，都无乜点沾过啲酱。不过，都介绍番吓佢哋有咩酱料提供，上层有麻油、黑醋、酱油、白醋、甜白醋，而下层有蒜蓉、麻酱、葱花、干蒜、沙茶酱、辣椒粉、芝麻、辣天椒及干葱。以前有生鸡蛋提供，似乎依家无咗。
Haagen-Dazs雪糕最后以甜品作结，每位客人都获奉上一杯Haagen-Dazs雪糕，可惜只喺仅此一杯。味道有云呢嗱、朱古力、士多啤梨、同忌廉曲奇。虽然只得一杯，但亦为今餐有个美好结束。
由于喺一人一锅，真喺一时兴起，一支公走过嚟涮个火锅都唔喺咩问题，当然，始终三五知己一齐食会开心好多。虽然单以价钱而言，唔算好亲民，但喺，计及整体质素，都仲喺可接受呢！再次感谢店方邀请，祝愿小店继续努力，做得更成功！
题外话/补充资料：
文末已表明得店方邀请前嚟试食，只喺方便朋友阅读此食文，暂未剔为「试食活动」，30日后将主动改为「试食活动」。
(以上食记乃用户个人意见 , 并不代表OpenRice之观点。)
张贴
