幕多

营业中

休息中

《幕多》酱油虾🦐浓汤面 🍜📍尖沙咀漆咸围1-3号多福大厦地下A号舖呢间店应该都不用多介绍，求其网上 search 一下，都大把网民，大把 Youtuber 介绍过。我都唔系第一次食，不过之前冇写食评，今次补返。以下系食评：香味 (4/5)个虾🦐汤本身都够晒香，上碟时，仲会额外响个客面前加虾油。香味扑鼻，都冇得输。稍稍可以挑剔一下系，除左虾味就闻唔到其他味了，少了点层次感。汤 (4/5)就好似个名咁，真系相当浓郁嘅虾汤，咸度刚刚好唔会过咸，creamy，浓稠，好好味。酱油味基本上比个虾味冚左，只有薄薄嘅酱油味，唔系话好觉。面条 (3/5)我就麻麻地钟意。中细直面，个面煮到偏腍，配埋个相当浓稠嘅汤，口感糊糊地。配料 (5/5)呢个价格，配三只中size嘅鲜虾，又新鲜，肉又结实，仲要剥埋虾壳，近乎系完美。基于人贪得无厌嘅心态，我会谂，如果多块猪叉烧就真系完美喇，不过因为呢碗系虾拉面，我就谂吓算了，冇因为咁扣分。另外加左 $38 追加左酱油蚝，有两只，新鲜，肉嫩，鲜甜，又系近乎完美。整体 - 值得推荐 👍👍👍👍 基本上，无论你对拉面要求有几高，如果你食过呢碗面，我相信你都会相当满意。