影片
更多
2018-05-30
573 浏览
是咁的~~一年一次同我女朋友仔庆祝生日 梗系要食豪d食好d啦大半年前同班同事黎过真系一试难忘 加上短时间内同唔到女朋友仔去旅行 于是就黎番餐港版蟹道乐啦！提早左个几星期book定枱 惊星期日会爆爆地 不过去到个场都真系冇咩人（时间系八点半）唔理咁多啦 上次食过真系几好食 一定要同女朋友仔黎食！！蟹家选择好多 价格都属于中上 有好贵嘅套餐亦有抵食嘅餐 亦可以散叫 按个人喜好而定 咁果晚虽然都肚饿 但因为食完晚餐仲要同女朋友食个甜品作为完满嘅终结 所以最后决定叫一个一人餐再散叫几款野食 咁就应该啱啱好喇叫左个三百几四百蚊嘅一人餐 入面有鲷鱼蟹脚刺身、烧日本蚝、炸蟹盖、牛肉薄烧、炒杂菜、烧皇帝蟹脚、银鳕鱼西京烧、蟹汤同蟹肉饭烧日本蚝两只 上枱嘅时候未食得住 要俾佢烧多阵 睇住佢烧可以睇到d蚝有几咁juicy饱满 再慢慢收番d水入去 烧呢个唔需要熟晒先食 会搞到咁靓嘅蚝老晒d肉质唔够滑 所以喺啱啱好熟左果阵食就最perfect 蚝味浓充满肉汁 口感都好creamy冇金属味 个人唔系咁钟意金属味重嘅蚝 真系好新鲜好好味呢个叫蟹扒烧 并唔喺个餐入面 系散叫嘅 记得咁样就好似要二百蚊 但呢个真系必叫
提早左个几星期book定枱 惊星期日会爆爆地 不过去到个场都真系冇咩人（时间系八点半）唔理咁多啦 上次食过真系几好食 一定要同女朋友仔黎食！！
蟹家选择好多 价格都属于中上 有好贵嘅套餐亦有抵食嘅餐 亦可以散叫 按个人喜好而定 咁果晚虽然都肚饿 但因为食完晚餐仲要同女朋友食个甜品作为完满嘅终结 所以最后决定叫一个一人餐再散叫几款野食 咁就应该啱啱好喇叫左个三百几四百蚊嘅一人餐 入面有鲷鱼蟹脚刺身、烧日本蚝、炸蟹盖、牛肉薄烧、炒杂菜、烧皇帝蟹脚、银鳕鱼西京烧、蟹汤同蟹肉饭
烧日本蚝两只 上枱嘅时候未食得住 要俾佢烧多阵 睇住佢烧可以睇到d蚝有几咁juicy饱满 再慢慢收番d水入去 烧呢个唔需要熟晒先食 会搞到咁靓嘅蚝老晒d肉质唔够滑 所以喺啱啱好熟左果阵食就最perfect 蚝味浓充满肉汁 口感都好creamy冇金属味 个人唔系咁钟意金属味重嘅蚝 真系好新鲜好好味
呢个叫蟹扒烧 并唔喺个餐入面 系散叫嘅 记得咁样就好似要二百蚊 但呢个真系必叫 佢系一d松叶蟹脚加埋一d薯仔 小冬菇 南瓜一齐喺呢个铁板上面烧（有埋牛油增加个香口程度）呢个蟹扒烧真系世界级 佢烧到d蟹脚表面少少焦香但唔系烧走晒d水 所以食落香口得黎亦能够食到蟹肉汁嘅鲜甜 同d蟹脚刺身唔同就系 刺身容易随住时间流失个味道 啫系所谓嘅蟹汁 但呢个正正火力够猛 可以将d蟹汁锁番死喺蟹肉入面 配合埋焦香嘅表面真系好好食 薯仔片亦可以烧耐d 愈耐愈香口 真系好好味！！
另一个散叫嘅系唔记得叫咩名嘅蟹军舰 88蚊3件 真系大件到傻 一上枱我地两个都忍唔住哗左一声 个侍应即刻话：拿 呢d先叫军舰嫁嘛 真系好搞笑 呢三件军舰大并唔大在多饭 系每件都有极多嘅蟹肉 分别在于一件系用蟹籽 一件用三文鱼粒 一件用蟹膏 蟹肉嘅鲜甜度就始终冇下面嘅刺身或者上面嘅蟹扒烧咁好味嫁喇 但都系滥于充数嘅普通货色 大大啖蟹肉咬落去真系好爽 最好味系个蟹膏 鲜甜得黎唔会太咸 少少一旧已经将成件军舰个鲜味提升左好几倍88蚊呢三件我又觉得唔过份wo
左边嘅鲷鱼，蟹脚刺身系跟餐嘅 呢个其实系第一碟上枱不过我upload嘅次序冇跟到啫呢个鲷鱼刺身可能大家会谂 间野食蟹嫁wo呢d刺身应该普通野啫 俾尽咪放题质数 拿拿拿咁谂就错晒喇 佢嘅鲷鱼刺身虽然系簿切 但好鲜甜 肉质厚实 师傅刀功好好 一d筋都冇 鲜甜得黎又有淡淡嘅鲷鱼香 真系好正仲有两件蟹脚刺身 好新鲜好鲜甜 淡淡嘅蟹香令个人即刻精神晒右边嘅蟹盖蒸蛋系散叫 又系一个好好味嘅选择 睇落平平无奇 但系成个盖都系蟹籽而且好香嘅蟹味 应该系㓥蟹嘅时候嘅蟹水都用番黎蒸蛋 每一啖笔落去果下都有蟹籽 蟹汁 同蛋 学thanos话斋：perfectly balanced!!
之后介绍嘅都系餐入面嫁喇~~上面就系炸蟹盖 上次食过麻麻地不过跟餐嘅就冇得选择啦 不过今次好食左 上次食落得一大堆椰菜味 但今次椰菜入面嘅汁同d蟹丝都配合得几好 味道系好食嫁 不过对比起其他就争d喇
牛肉薄烧 炒杂菜 烧皇帝蟹脚同沙律喺同一碟上 沙律正正常常冇咩特别冇需要讲啦炒杂菜都唔错 即叫即炒而且炒果阵都有落汁炒 几妹味唔错嘅~~牛肉薄烧可以选择熟成度 我叫左五成 不过就争d喇 五成系食到个牛肉香 但因为牛肉薄烧系卷埋一d蒜呀其他配料入去 五成熟令到个牛肉口感偏腍 影响左个口感 反而上次叫七成就真系好好食wo牛肉香得黎成件事个口感好好 好match 中间有几件烧皇帝蟹脚真系好好烧 佢同上面蟹扒烧烧嘅方法唔同 上面系比较油用个油香去逼番蟹嘅鲜味出黎 而呢个一黎唔系蟹扒烧嘅松叶蟹 系用左啖啖肉嘅皇帝蟹脚 而且烧果阵冇落咁多油同埋唔系牛牛油 烧嗨时候都加少少黑椒调味 烧嘅火喉有d都唔过火 啱啱好唔会蒸发晒蟹脚入面嘅肉汁 适量嘅黑椒令蟹味更加出 食果阵好多蟹汁滴到成手都系 好香好鲜甜
银鳕鱼西京烧系我女朋友嘅至爱 所以系我选择呢个餐嘅其中一个原因 餐厅用嘅系正宗肉质幼滑嘅银鳕鱼而唔系肉质较实嘅鳕鱼 呢个银鳕鱼西京烧掌握得好好 烧嘅时候亦有落左d酱汁 好香但又唔会抢晒银鳕鱼嘅鱼香 真系烧焦左嘅鱼皮 真系好正好感动呀
呢个蟹汤都几好饮嘅 但真系好多野都好好食相比下呢个汤就普通d喇 不过我女朋友话好好饮 咁就好喇一碗细细地嘅汤都仲有只蟹脚喺入面 真系延续番我地今日黎呢到嘅目的呀！（就系食蟹！蟹！蟹！）右边个蟹饭睇落好似冇咩特别咁 但系比起外貌 佢个味道真系意料之外咁好食 虽然睇落唔系好够色水 表面又得少少蟹丝 好似唔够味咁 但系佢炒嘅时候肯定落过蟹汁去炒 所以饭身偏腍 但味道好足够 清甜嘅蟹香真系今餐饭完美嘅终结
总括黎讲，真系好好味！睇过食评话呢到d职员态度麻麻 可能我今晚比较少人啦 八觉得职员都好nice好合作 价钱虽然唔系平 但呢个质数呢个味道 绝对对得住呢个价钱呀！！最后祝女朋友仔生日快乐 健健康康 开开心心
张贴
