牛石料理 (已結業)

今晚朋友同我庆祝生日，带左我去～牛石料理～食好野。原来帮衬就可以转轮盘一次，仲要系必中，中既奖品都会系呢度既主打，海产、刺身、烧肉、清酒、啤酒，奖品都几吸引。我今日就转到牛小排。餐厅多数系卡位，櫈既间格都几高，觉得私隐度几高，唔错。庆祝梗系要饮啲酒，叫左獭祭45，清澈柔和，配刺身好夹。先叫个樱，好丰富架，前菜、刺身、寿司、烧肉、和食、烧物、吸物同甜品。新鲜晚蟹籽沙律鲷鱼、油甘鱼、三文鱼、帆立贝刺身， 超新鲜。清鱼、油甘鱼、北寄贝寿司烧肉出场卖相架势，由抽中既牛小排开始食，食到最肥美既A5 和牛肉眼，超正。和牛炒饭，成碗饭好香牛味。烧物大虾肉质超弹牙。吸物鱼汤好浓呀。另外再叫左好多正野：柚子酢左口鱼裙边，我好钟意食左口鱼，但第一次咁食法，柚子醋既酸解低左左口鱼既腻感，所以食多几件都无问题，够哂Juicy。盐烧日本油甘鱼鲛，估唔到鱼饺都咁多肉，正。脆口盐烧日本鸡皮。炸软壳蟹卷，满满既蟹籽系面，入面软壳蟹好酥脆。芝士年糕，最啱𩠌酒。食埋雪糕就prefect。