Maison Gaia

营业中

休息中

七月又到啦，又系周年纪念嘅庆祝月份，今次拣咗嚟呢间餐厅，虽然地方不大，但系星期六日假期有歌手主场演唱，又有大屏幕播不同地方嘅场景，就系比呢啲嘢吸引咗，加上佢系半自助餐嘅形式，啱晒唔系食得多，但又好想食沙律甜品嘅为食男女，虽然系星期六，但系因为要返工，所以大约八点先至到，餐厅收10点，来到只有三几台客，不止环境好，气氛好，服务更加好，点好法真系要自己来感受吓啦，食物都系正常，唔算得上好惊喜，睇食评都有啲唔系几好，不过我觉得OK㖞，我有一个习惯喺OpenRice book位嘅时候会有得俾你拣系庆祝生日周年纪念定系聚会，虽然拣嚟都冇乜特别，但系都会习惯填咗，今次我填咗周年纪念，食到尾声嘅时候餐厅都冇晒人，当时只系九点几，侍应突然攞一碟写上happy anniversary嘅蛋糕仔过嚟，仲同我哋讲周年快乐，台上嘅歌手系外国人，佢仲特别唱咗首歌俾我哋听🤭😍感觉好窝心。真系比足一百分。一定会再嚟。🤭😍😋今日食咗肉眼西班牙乳猪，仲有西冷扒三文鱼🤭佢啲甜品同埋汤都好味。其实选择都算多👍🏻👍🏻