影片
更多
2021-05-31
11 浏览
同朋友买完嘢系附近行街见到呢间酒吧几得意，除左酒之外仲有卖拉面，就同fd黎食个下午茶饮杯嘢🙈小店地方唔算大，但装修十分有格局，有高台、有吧台、有窗边台，更又有适合同三五好友知己一齐坐嘅卡座🤣一入到去坐低，老板娘就好热情招呼问肚唔肚饿，推荐佢地呢到嘅特色拉面同沾面俾我地😆等嘢食嘅过程中同老板娘倾计先知原来佢地以前唔做午市，收到疫情影响特登开午市黎增加生意，而且佢地嘅师傅曾经系米芝莲一星餐厅到做，对嘢食特别有要求，汤底同叉烧都系自家制作，搞到我更加期待🤩虾片、花生、开心果同芥末豆系每台客人都赠送嘅小食，等嘢饮同嘢食过程中可以试下小食，过下口瘾🥰我最喜欢虾片，好食之余，都好少酒吧会提供虾片🤭自家制黑豚叉烧拉面 例牌$98（9.5/10）除左例牌仲有加大版，加大就会多两块叉烧，一块叉烧都好大，差唔多我一个手掌🖐🏻自家制叉烧同出面连锁店食到𠮶啲真系好大分别，肥瘦比例均匀，师傅腌制得够入味。即使是厚切，都可以食到肉香之余，因为每层脂肪比例均匀，食落软淋完全唔韧👅而且厚切的话啖啖肉食落更加有口感🤤溏心蛋都系上乘制作，蛋白滑溜，蛋黄食落中间仲系流心💖最特别呢碗拉面会加左店舖自家制嘅肉碎，少少辣，捞埋肉
同朋友买完嘢系附近行街见到呢间酒吧几得意，除左酒之外仲有卖拉面，就同fd黎食个下午茶饮杯嘢🙈小店地方唔算大，但装修十分有格局，有高台、有吧台、有窗边台，更又有适合同三五好友知己一齐坐嘅卡座🤣
一入到去坐低，老板娘就好热情招呼问肚唔肚饿，推荐佢地呢到嘅特色拉面同沾面俾我地😆等嘢食嘅过程中同老板娘倾计先知原来佢地以前唔做午市，收到疫情影响特登开午市黎增加生意，而且佢地嘅师傅曾经系米芝莲一星餐厅到做，对嘢食特别有要求，汤底同叉烧都系自家制作，搞到我更加期待🤩
虾片、花生、开心果同芥末豆系每台客人都赠送嘅小食，等嘢饮同嘢食过程中可以试下小食，过下口瘾🥰我最喜欢虾片，好食之余，都好少酒吧会提供虾片🤭
自家制黑豚叉烧拉面 例牌$98（9.5/10）
除左例牌仲有加大版，加大就会多两块叉烧，一块叉烧都好大，差唔多我一个手掌🖐🏻自家制叉烧同出面连锁店食到𠮶啲真系好大分别，肥瘦比例均匀，师傅腌制得够入味。即使是厚切，都可以食到肉香之余，因为每层脂肪比例均匀，食落软淋完全唔韧👅而且厚切的话啖啖肉食落更加有口感🤤溏心蛋都系上乘制作，蛋白滑溜，蛋黄食落中间仲系流心💖最特别呢碗拉面会加左店舖自家制嘅肉碎，少少辣，捞埋肉碎一齐食又多一种风味😌
日式沾面 $128（8.5/10）
呢碗仙气十足嘅沾面好适合我地两位小仙女享用👑上到台准备好相机，老板娘倒水落碟边，我地两位小仙女仙气即刻飘上黎🧚♀️即刻录低片po IG story🤣沾面配料有三文鱼、鲍鱼、溏心蛋同蟹柳，面系宽条面，面条可以沾到更多汁，有个特别浓郁嘅沾面汁for点面条，仲有个wasabi豉油for点三文鱼。沾面汁系热嘅，如果喜欢食浓郁口味嘅可以点🤭我个人就钟意点wasabi豉油冷食，咁样面条食落更加有弹性，而且夏天冷食更消暑☺️
炸鸡翼 $60一份4件（8/10）
我地两个女仔比较细食，老板娘好好咁俾我地可以叫半份黎食，鸡翼有研制而且入味，表皮炸得香脆，有啲辣椒仔同洋葱粒系面，表皮食落多左种辣辣地嘅刺激，内里鸡肉嫩滑。唯一就系价钱略贵，如果系$40 4只鸡翼的话，我会更加推荐大家叫黎食🤭
总评：嘢食讲左咁多就唔多作介绍。服务方面，如果你系钟意人情味小店，呢间酒吧你一定会喜欢，唔繁忙的话，老板娘会主动同你倾计，甚至帮你谂下点悭钱🤣我见好几台本身谂住单点Guinness黑啤，系老板娘介绍买二送一优惠下，同朋友一齐拣左优惠饮品，慢慢饮🤣
张贴
