蘇山雞飯

营业中

休息中

苏山鸡饭今日要介绍喺长沙湾一间星马菜餐厅叫「苏山鸡饭」，呢间星马菜餐厅喺2023年拎咗「我最喜爱食肆」奖项，佢哋下午茶价钱好亲民，我哋就叫咗两个下午茶餐再加小食！呢间餐厅门口系有一级，轮椅人士如果要入去食嘅话，要自备斜板，入面都算阔落，有好多张枱都适合轮椅人士用，大约等15分钟就入得餐厅！1.娘惹咖哩炸鸡配椰浆饭$58+冻蜂蜜桔仔水$3（9/10）呢个咖哩炸鸡真系劲大只，椰浆饭就转咗白饭，炸鸡入面有少少咸，仲有炸花生同炸鱼仔，炸鱼仔都有少少咸，下午茶套餐加$3就有一杯冻蜂蜜桔仔水，佢哋唔系用糖浆，系用真正蜂蜜，饮落好饮好多！2.星洲叻沙掺掺（豆卜、鱼片、鱼蛋、虾、青口、芽菜、通菜）$58+冻生椰拿铁$3（9.5/10）呢碗星洲叻沙掺掺份量都几多，配料好丰富，有2旧豆卜、2片鱼片、2粒好弹牙鱼蛋、2只青口、2只虾同半粒蛋，米粉占较多，油面只有少少，下午茶套餐加$3就有一杯冻生椰拿铁，甜度甜咗少少！3.夜市沙嗲串（半打）$108（8/10）呢个沙嗲串牛鸡各3串，牛肉串唔干柴，牛肉嫩滑有肉汁，反而鸡肉串有少少咸！4.泰式鱼饼（四件）$38（8.5/10）呢个泰式鱼饼外面微脆，咬落太多汁，我自