點‧粵 (已結業)

餐厅环境宽敞舒适，系海旁附近，饮完茶散下步吹下海风好写意～-招牌鸿运脆皮鸡(半只) $250脆皮鸡系必食嘅推介菜式，由人手淋油炮制，外皮薄而香脆，鸡肉新鲜嫩滑，鸡肉本身有腌过味道微咸，如果想更加浓味仲可以落淮盐同青柠汁，点左半只鸡两人食份量刚好。-小黄瓜拌海蜇头 $98海蜇好大件好厚肉，食落弹牙爽口，而小黄瓜爽脆清甜，拌入有麻油香味调配嘅酱料，好适合作为开胃前菜。-银杏鲜腐竹扒时蔬 $118银杏腐竹清菜汤好大碗好足料，时蔬系小棠菜，汤底微咸冇味精，系健康嘅菜式。-茶位 $13/ppl餐厅有四款茶品选择，我拣左乌龙茶，饮落清香回甘，茶叶泡耐左都冇苦涩味，一壸已经够饮好多杯。