春水堂 (太古城中心)

营业中

休息中

打完风,梗系要出街行下,顺便衣下肚仔。今次同老公去咗太古城嘅春水堂食晚饭。其实,已经去过好几次,铜锣湾同太古城都去过,仍然心思思要去食一食。谂住落咗风球无耐,应该冇乜人去,点知都要排队。今次特别叫番上次食过嘅"慢煮猪手",因为佢入口溶化,骨肉分离,又够入味,好食到唔停得口,所以第一时间落咗order。仲叫咗卤肉饭,麻辣牛肉面,香酥鸡同娃娃菜。"慢煮猪手"真系keep到水准!同上次一样咁好食!其中有一嚿猪手仲大到成只卤肉饭个饭碗咁大,不过呢个系细卤肉饭,所以𠮶个碗系细啲嘅,总之旧猪手系好大嚿!感觉好似吸收咗好多骨胶原一样…正!我叫咗一杯热"铁观音奶茶",𠮶个茶底真系充满铁观音味,奶嘅泡沫又keep住咁soft,系好夹,好好味,果然系春水堂台式奶茶。其他食物都系standard水准,唔会令人失望咁啰!我下次都会再黎食。