喜洋洋美食

营业中

休息中

我哋一向支持有香港特色嘅小店，但近几年小店越来越少，部份结业，有啲比财团收购，质素每况愈下。今次系葵兴食到嘅小店，可以话系抵食夹大件！ 盐酥鸡系依度嘅招牌小食，老板娘话学生放学最钟意就系食佢！味道的确一流，炸粉嘅厚度刚刚好，食落去啲鸡肉都几嫩，亦唔会太咸。黎到必食！我哋每人叫咗一碗车仔面。萝卜炆得非常入味，绝对要试一试！个牛筋同牛腩亦都够晒淋。韭菜猪肉饺馅料十足，非常美味！最令人开心嘅系，唔使嗌时菜而两碗都有菜，令整碗车仔面变得更健康。衷心希望小店能够生意兴隆，继续为街坊提供抵食夹大件嘅香港地道美食。