喜洋洋美食

营业中

休息中

葵盛東邨商場、咁多間餐廳，食嚟食去覺得最穩定水准嘅就係喜洋洋美食餐廳了，醒晨早餐還是非常不錯的。我最鍾意嘅係其中一個D餐份量很足，麵很彈，牛筋腩河味道很棒，沙嗲牛煎蛋麵味道也很好，今日食咗個豬頸肉煎蛋飯配咖喱汁，好抵食,最喜歡廚房姐姐煎嘅糖心滑蛋,滑得來又香口好正😋

粟米雞絲飯聽落好似好普通咁，但係其實都可以好好食😋❤️喜洋洋嘅粟米雞絲飯係我暫時食過最滿意👍🏻同埋覺得最好食嘅雞絲飯🤣🫶🏻因為佢嘅雞絲係炸過黎🐔食落非常香口🤩而且醬汁好多，雞絲份量都好多，食完非常飽雞，簡單又好味🤤平時想叫外賣又諗唔到食咩果陣都會叫呢個粟米雞絲飯😎！推薦✨

呢間鋪啱啱完成咗裝修, 空間比裝修前闊落咗。 牆壁上畫有舊式香港情懷嘅的壁畫, 今次叫咗個吉列魚柳飯配洋蔥汁, 魚柳炸到金黃爽脆可口,而且份量相當多,汁料方面經店方精心調製,洋蔥味好出,送飯一流, 唯一美中不足嘅係啲枱凳好矮, 食飯嘅時候要將成碟飯拎起😅

今(14-8-2021 Sat)朝要空肚去做檢查,做完就同陪我嘅老公食早餐,喺呢喥冇乜選擇,只有銀龍(上次食評係19年9月28日刊登嘅呢篇:https://www.openrice.com/zh/hongkong/review/%E7%AC%AC2889%E7%AF%87%E9%A3%9F%E8%A9%95-%E5%A7%8B%E7%B5%82%E9%83%BD%E4%BF%82%E5%B9%AB%E8%B6%81%E9%80%A3%E9%8E%96%E5%BA%97-e3552889),一間食粉麵(上次食評係17年8月19日刊登嘅呢篇:https://www.openrice.com/zh/hongkong/review/%E5%94%94%E5%80%BC-e2851095)嘅(好似執咗轉咗名)同呢間開咗,咁未食過呢間,就咗食啦.睇完menu,覺得冇乜選擇,因為唔食辣嘅我,見到雞扒都配炸菜=.=”,但既然坐低咗,就唔好走,最後決定要咗同樣$39.00嘅特選早餐A同F,要熱奶茶同加$2.00嘅凍檸水少甜.1. 牛油方包正常冇問題.味道: 3分2. 熱奶茶茶味夠,口感滑,不過飲到最底就

突然好想食鹽酥雞，就去左食一間叫喜羊羊美食既地方食啦😋聽個名已經覺得佢好得意😛就沖左去食😋今次主要食鹽酥雞既公仔麵同飯類🍽鹽酥雞蛋公仔麵🥢：分開2樣上的，呢個好細心❤️唔會令到食物軟化，有少少辣辣地，🍳蛋就好嫩口👍🏻鹽酥雞蛋飯🍴：鹽酥雞微辣、脆香可口。🍳蛋就細嫩，仲要唐心的🥚今次去食，好正，價錢都便宜，適合學生去試試。環境都唔錯，有足夠空間同員工服務態度都好好，有禮貌的👍🏻大家有時間都可以試下😉

葵盛其實冇咩餐廳，黎黎去去都係連鎖集團經營嘅。但係幾間連鎖餐廳包圍下，喜洋洋嘅lunch time仍然滿座，就代表有幾咁好食啦！幫襯左好多次，有幾款都好值得推薦。煎蛋鴨胸飯如果其他餐廳，鴨胸可能只會比4,5片，但呢到應該有6,7片，而且係有厚度！鹽酥雞煎蛋飯學生必食之一，鹽酥雞炸到脆卜卜，同台灣一樣，但就略為熱氣左啲。韮菜豬肉餃牛根腩米粉呢個係我最愛嘅組合，10次有9次都會叫呢樣。韮菜豬肉餃大大隻，十分足料，食落啖啖肉，而且係用雲吞皮包，所以好滑。但就應該放左好多味精，因為食完會勁口渴。而牛根腩就炆到啱啱好，好入味，牛根好彈牙。之前係附近返工，所以成日去食。有機會要搵日入葵盛食下個餃，回味下。

經過我今次光顧過位於葵涌「葵盛東邨」商場，「葵盛東商場」地下位置的食店「喜洋洋美食」之後，我終於確認了「葵興」原來是夾在兩個小山丘之間，渾然天成的小狹谷地區，工業區只是「葵興」的副產品而已。由於港鐵「葵興站」位於「葵盛東邨」跟「和宜合道」兩座山之間，所以前往「和宜合道」固然很不方便，需要徒步走上山，前往「葵盛東邨」的過程也不算輕鬆。我好不容易成功徒步走到「葵盛東邨」，跟商場「葵盛東商場」之後，又發現「葵盛東商場」原來由兩個建築物所組成，中間有行人天橋接駁作為通道。所以「喜洋洋美食」即使位處在「葵盛東商場」的地下舖位位置，但是我都需要從「葵盛東商場」近着「葵興站」那邊的商場，沿着行人天橋走到另一邊的商場，才能夠找到「喜洋洋美食」。「喜洋洋美食」裡面的碟頭飯食品，有個跟其他食店不同的地方，就是大部分碟頭飯食品都可以選擇醬汁。「喜洋洋美食」碟頭飯醬汁分別有六款醬汁，例如「黑椒汁」、「咖喱汁」或者「茄汁」。雖然「喜洋洋美食」裡面的「牛筋腩飯」，也能夠自由選擇，在六款不同味道醬汁裡面揀選其中一款，但是我覺得不選擇醬汁的「牛筋腩飯」，一樣可以造到味道濃厚，不輸洩給醬汁碟頭飯食品。我第一次享用沒有任

呢排大部分時間都喺葵盛附近工作，為咗爭取中午睡嘅時間，就近近地去附近葵盛商場食午餐其實呢間食店都食咗好多日，再去支持嘅原因都係平靚正，食物有質素。因為我嘅午膳時間係十二點前所以唔難搵位，聽講呢度到十二點半至一點半就會好多人。我覺得最正嘅係煎肉餅飯同埋炸雞髀飯，醬汁有六款可以選擇，肉餅煎得鬆化好味，唔會太乾身，用來拌飯真係一流，炸雞髀大大隻香脆可口味道豐富，呢兩款餸都係即叫即整，熱辣辣上枱。 店內嘅員工又好有禮貌好主動 招呼客人，如果我係街坊的話一定會經常幫襯

用心經營的街坊飯堂午飯時間人頭湧湧, 搵間好食又有位的都難, 好彩大家街坊街里, 有人願意讓座至可即時入座.呢間其實係經常幫襯的飯堂, 一諗起想食生炸雞脾飯, 好多時都會午飯時食. 三個字平,靚,正! 即叫即整的生炸雞脾飯, 用心整理, 脆口少少燶, 配上西式茄汁, 正!!奉放冷熱飲品, 唔洗加錢, 呢D就係街坊生意. 其實最受歡迎嘅 ,係盬酥雞, 仲有梅菜扣肉都係好值得推介!!!

我哋一向支持有香港特色嘅小店，但近幾年小店越來越少，部份結業，有啲比財團收購，質素每況愈下。今次係葵興食到嘅小店，可以話係抵食夾大件！ 鹽酥雞係依度嘅招牌小食，老闆娘話學生放學最鍾意就係食佢！味道的確一流，炸粉嘅厚度剛剛好，食落去啲雞肉都幾嫩，亦唔會太咸。黎到必食！我哋每人叫咗一碗車仔麵。蘿蔔炆得非常入味，絕對要試一試！個牛筋同牛腩亦都夠晒淋。韭菜豬肉餃餡料十足，非常美味！最令人開心嘅係，唔使嗌時菜而兩碗都有菜，令整碗車仔麵變得更健康。衷心希望小店能夠生意興隆，繼續為街坊提供抵食夾大件嘅香港地道美食。

樓下冇嘜邊間算平既食市，依間我覺得算食得。廿八蚊蛋加五香肉丁轉普通公仔麵，加豆漿同鹽酥雞。個麵正常發揮，食得過。依間最正既係鹽酥雞 炸粉用得幾好，唔硬。係估唔到既好食，個日d雞仲幾嫩添！！冇豪大大咁誇，但樓下商場食市黎講，真係不錯！！都多次落去食，為鹽酥雞！！

上星期日去我從未踏足過的葵盛東邨探朋友，探完之後剛好是下午茶時間，為食小兵團又要出動覓食，經過一間小食店見到剛剛出爐的至愛雞蛋仔，仲可堂食坐低慢慢歎，當然不能錯過，除了原味，還有很少看到的鴛鴦口味，我就點了鴛鴦味，這件一半朱古力一半原味半分天下的雞蛋仔，外脆內軟，朱古力味濃郁又不會太甜，原味那邊也很有蛋味。食完再叫杯奶茶，茶味香濃，完全沒有苦澀味，超越了茶餐廳的水準。四周圍食店都瘋狂加價，就算不加價都將貨就價，十元一底又好味的雞蛋仔真是絕無僅有。食完發現有第二至愛西多士，還有招牌雲吞麵，下次要再過來試下。

搵個friend攞d野，個friend遲大到。悶悶地有d牙痕，商場來來去去都係果d大路連鎖店。見到間叫「喜洋洋」，個名幾得意。一場黎到，梗係試下d地道野。坐底問老板有咩好介紹，我話唔算餓，想咬下野姐。佢話雲吞麵正，心諗又睇下你有咩咁正？！於是叫左雲吞麵同奶茶。奶茶好快到，唉！無一般鋪頭d苦味（無落糖，減肥中），茶味好出，好濃，正！等左陣終於有麵食，嘩！四大粒雲吞，無講笑，真係幾大粒。好大隻蝦，爽爆。加少少醋同辣油，3分鐘KO左！本來仲想睇下有咩正野食，個friend就打黎話就到，只好埋單走人，＄21。反通脹！！！