洋食商店 (利奧坊)

营业中

休息中

洋食商店餐厅行复古日本风，内里嘅装修有好多得意元素，有好多灯笼，又有d日本旧招牌、海报，成间店好colourful令人入到黎好开心！另外呢间西日居酒屋好好服务🫶🏼我地order左个寿喜烧套餐，所有野食都有店员喺你面前帮手烧埋/渌埋，我地只系坐定定就有得食喇！美国极黑牛颈脊&岩手县和牛都好浓牛味，本身牛嘅油花分布得好靓，然后店员又帮我地烧得好靓！仲提供埋浓香日本生鸡蛋可以点黎食小食有明太子玉子烧、烧牛舌同熟蚝，觉得呢度啲蛋制品好出色，个玉子烧蛋味好浓，面头嘅明太子酱有微微炙烧，再舖上大量蟹籽，劲正！牛舌同蚝都几大份，性价比几高！最后会有个黑松露炖饭，都系店员喺面前帮埋我地煮。寿喜烧原来用黎煮黑松露炖饭系咁夹！甘甜咸香，味道上好有层次感！呢个西日fusion risotto好值得一试！！