Explorer Fusion Restaurant (已結業)

之前听同事讲沙田有间食fusion菜好正，所以今日收工约咗家姐一齐去试下，餐厅位置其实都好方便，搭马铁去石门站然后行十几分钟就到！去到门口发觉佢系一间酒吧餐厅既设计，而且设有outdoor座位，如果天气凉，一大班可以坐系外面饮下酒吹下水确实好舒服！不过我地去到个阵outdoor已满，所以唯有坐入面！之后我地拿拿声叫嘢食，因为已好肚饿，首先上菜系有机番茄水牛芝士沙津，佢地既有机番茄真系好甜好多汁，再配埋自家制香草汁同水牛芝士，成个沙津食完变得更开胃之后上既主菜系是日精选刺身拼盆，所有食材都系由日本同加拿大空运到港，绝对新鲜，首先要讲佢既海胆来自加拿大，成旧糯米糍咁大旧，食落鲜味十足，一点腥味都冇，加上有少少海水味，一个字”正”而佢既带子成个金币咁大，又大又厚，肉质鲜嫩，但最有惊喜系三文鱼腩同吞拿鱼腩，每一块刺身既油脂同鱼肉比例比例都刚刚好，有一种入口即溶既感觉最后我地再叫咗个意式烧春鸡配红酒烧汁，首先佢鸡肉烧得刚刚好，配上佢地特制既红酒汁同热辣辣既脆香薯条，简值人生一大享受！