海天薈

营业中

休息中

一次过试嗮几个招牌菜，果然好得！片皮鸭一食只系$138，简直超值，皮好香脆，完全冇「So」味，脆皮BB乳鸽又系超抵食$38只，唔叫对唔住自己！酥炸牛肋条好松脆，啱晒配红酒，一向钟意食虾子柚皮，见到餐牌有这个菜，梗系要试一下啦，大满足！生炒上肉牌都系招牌菜，下次再嚟食一定会再叫。仲有豉油王鹅肠，份量好足而且好新鲜，配辣椒油食好好味！酸菜鱼好麻辣，好彩朋友之中有好几个都好食得麻辣。其实我八个人食咗好多嘢，但系都忍唔住叫埋豉油王银牙炒面，再配一锅生滚泥鯭粥，最后仲有红绿豆沙糖水送，为晚饭划一个完美句号。餐厅招呼好好，性价比高，所以会再嚟。