影片
更多
2023-05-12
50 浏览
揸车深水埗揾食，离远已经见到橙红色门面好抢眼，餐厅仲设有免费车位好吸引，唔使周围揾位，直接泊入去。「边叙边醉」主打高质火锅，楼高两层，有专用电梯直达，门口无梯级，设有特大洗手间，系无障碍餐厅。装修以鲜橙色撞绿色为主，门口有酒樽形「我无醉」千层镜装饰，连洗手间都有过瘾标语，设计充满玩味，非常打卡able。设有VIP房，独立梳化卡座坐得舒服，店员细心有礼。ღ welcome drink⊛酸梅汤一坐低，餐厅便为每一位光临嘅客人送上一杯welcome drink，好窝心，系冰冻酸梅汤，酸酸的又唔太甜，好开胃。ღ餐前小食⊛麻辣青瓜拌木耳麻辣汁够麻又够辣，但又唔会辣到食唔到，新鲜青瓜同木耳清爽配合，加埋脆花生爽口又惹味。⊛醉牛𦟌、醉牛筋花雕酒味香浓，牛𦟌浸得入味有嚼劲，切成条状嘅牛筋口感黏软Q弹。ღ汤底⊛滋润花胶螺片鲜鸡锅 $438 (原价$668)呢款汤底系母亲节期间限定，用上半只鸡、花胶、螺片、雪耳、杞子熬制，真材实料，都好大锅。打边炉前一定要先叹一碗汤，一入口滋润顺喉，啖啖精华，呢个汤底真系无得输，仲要螺片同花胶都唔细件，啱晒带妈妈嚟食，我觉得饮一碗系唔够喉嘅。叹完靓汤之后，店员为我哋加汤开
装修以鲜橙色撞绿色为主，门口有酒樽形「我无醉」千层镜装饰，连洗手间都有过瘾标语，设计充满玩味，非常打卡able。设有VIP房，独立梳化卡座坐得舒服，店员细心有礼。
酸梅汤
20 浏览
0 赞好
0 留言
ღ welcome drink
⊛酸梅汤
一坐低，餐厅便为每一位光临嘅客人送上一杯welcome drink，好窝心，系冰冻酸梅汤，酸酸的又唔太甜，好开胃。
麻辣青瓜拌木耳、醉牛𦟌、醉牛筋
2 浏览
0 赞好
0 留言
ღ餐前小食
⊛麻辣青瓜拌木耳
麻辣汁够麻又够辣，但又唔会辣到食唔到，新鲜青瓜同木耳清爽配合，加埋脆花生爽口又惹味。
⊛醉牛𦟌、醉牛筋
花雕酒味香浓，牛𦟌浸得入味有嚼劲，切成条状嘅牛筋口感黏软Q弹。
滋润花胶螺片鲜鸡锅
35 浏览
0 赞好
0 留言
ღ汤底
⊛滋润花胶螺片鲜鸡锅 $438 (原价$668)
呢款汤底系母亲节期间限定，用上半只鸡、花胶、螺片、雪耳、杞子熬制，真材实料，都好大锅。打边炉前一定要先叹一碗汤，一入口滋润顺喉，啖啖精华，呢个汤底真系无得输，仲要螺片同花胶都唔细件，啱晒带妈妈嚟食，我觉得饮一碗系唔够喉嘅。叹完靓汤之后，店员为我哋加汤开始打边炉。
餐厅平时主打嘅四款汤底，都有用唔同嘅酒入馔，衬返店名「边叙边醉」主题几有特色，我已经谂紧下次嚟试边款。
手切牛颈脊、封门柳
2 浏览
0 赞好
0 留言
⊛ 牛颈脊
手切牛颈脊新鲜，油花比例适中，色泽红润，唔好渌太耐，口感软嫩有嚼劲，牛味浓郁。
⊛ 封门柳
肉质软腍，入口牛味极为浓郁丰富，涮一涮就最好味，啱晒牛魔王。
自创花雕醉鸡饺、黑松露鲍鱼饺、鲜虾云吞、黑豚肉韮菜饺
13 浏览
0 赞好
0 留言
ღ手工饺
手工饺子都系餐厅自家制，每日新鲜包，为咗掌握烹调时间，店员细心俾个计时器我哋，水滚计渌五分钟，就可以品尝到最佳嘅味道，最好就跟埋次序食啦。
⊛饺子并盘 (8只)
⊙自创花雕醉鸡饺
皮薄馅多，咬开充满汤汁，好香花雕酒味，有点似灌汤小笼包，必食推介。
⊙黑松露鲍鱼饺
入口充满黑松露香气，咬开真系明显见到鲍鱼粒，真材实料，值得试吓。
⊙鲜虾云吞
满满馅料，大只虾肉，爽口弹牙。
⊙黑豚肉韮菜饺
呢款经典配搭，饺子控一定要试吓，餐厅选用黑豚肉制作，加上韮菜独特香气浓郁，建议最后先食。
自制脆炸响铃、淮山面、新鲜蔬菜拼盘
5 浏览
0 赞好
0 留言
ღ边炉配料
⊛自制脆炸响铃
打边炉必点，新鲜即炸，都大件，热辣辣非常脆。
⊛新鲜蔬菜拼盘
有金菇、冬菇、生菜、皇帝菜，娃娃菜，仲有粟米好甜。
⊛淮山面
打边炉尾声梗系渌返个面，淮山面感觉比较健康，幼身，口感爽滑。自己钟意打边炉渌面要煮得腍啲，索晒啲汤汁食好滋味。
雪燕椰汁奶冻
6 浏览
0 赞好
0 留言
ღ甜品
⊛雪燕椰汁奶冻
粉红色玫瑰花造型，顶上放雪燕，衬晒母亲节。椰汁奶冻香滑低甜，雪燕养颜妈妈实钟意，跟母亲节期间限定锅底赠送。
ღ饮品
⊛ 竹蔗茅根雪梨水
味道感觉足料又唔太甜，清热润喉解渴，打边炉最啱。
愉快满足的一餐，必定再次回访，望到餐牌仲有刺身同海鲜都几抵食，下次一定嚟试吓。呢度环境、服务、食物都高质，怪不得经常爆满，就嚟母亲节，想同屋企人庆祝真系要预早book位。
#边叙边醉地址：深水埗海坛街205号地下A号舖及1楼
张贴
