里木

营业中

休息中

𠮶晚朋友畀我生日惊喜，带我去尖沙咀食Omakase，令我觉得受宠若惊，因为我从来冇食过Omakase，朋友早就Book咗位，真系好感动。第一次食Omakase心情好紧张，不过服务员嘅热情态度令我冇咁紧张，餐厅入面环境又好舒服，我哋好Enjoy。我哋点嘅系海胆奢华体验，食物种类繁多，师傅都好有耐性咁讲解每一道菜。每一道菜都系精心特制，摆盘精致，令我哋眼前一亮！最印象深刻嘅系壳付原只海胆，原汁原味嘅海胆肉质厚靭，淡黄色，食落去有少少回甘苦味，清甜嘅海水味，十分新鲜。之后仲有北海道牡丹虾配海胆，牡丹虾嘅肉质绵软中带有弹性，肉嘅甜美喺口中逐渐散开，爽脆而鲜味十足😋炭烧帆立贝海胆汉堡同样难以忘怀，每一啖都充满咗新鲜嘅海鲜味，仲带有微微嘅炭烧味，海胆味十分浓厚，令人惊喜嘅搭配。仲有令人回味无穷嘅松叶蟹鸡汤配海胆，口感鲜美，爽滑，松叶蟹、海胆同鸡汤互相搭配，使得成道菜味道层次丰富😍😍最钟意嘅食物仲有和牛海胆热狗，和牛系顶级嘅A4和牛薄切包住寿司饭，和牛油脂完美同饭结合，再配上海胆，令其味道得到升华，食得唔亦乐乎。我哋仲Order咗一支清酒，享受美食之余仲有酒精嘅享受，成个人都好放松。