八幡屋日本料理 (已結業)

趁今日平日唔洗同咁多人迫又可以准时放工，就约左个朋友去试下呢间八幡屋日本放题。之前都成日见朋友系度打卡，所以一直都好想试。好在一早book左枱，平日黎讲都好full下！值得一赞系门口既接待员服务态度好好，见到我友人未到，都好慇切咁招呼我入去一路拣住野食一路等，赞！放题黎讲，食物选择唔算话特别多，但部分会写住推介及必试等等，反正未食过，我就将佢推介必食系列都写2份！食物黎得好快，但放既位置有限，我同友人都要好高速咁将食物放入口，又要相机食先，真系好忙。 第一味比较深刻既系黑松露带子寿司，呢个配搭真系第一次食，两者味道都好鲜甜，所以配搭住黎食都唔会互相抢左知味道，可以encore! 超喜欢食海胆既我当然要试试海胆手卷啦，个present好特别，令成件事开心左～虽然第一眼望落海胆既色水好似唔同平时见到既，但系食落口又几鲜甜㖞！ 食完寿司打底，就轮到食炸物啦，呢度既炸物同小食款式都几多，叫左都系写住必试系列，每次食日本野必食既炸鱿鱼圈，炸香芋波同埋芝麻鸡翼。炸香芋波就非常出色，外脆内软，香芋味一发不可收拾，系口腔不断徘徊，我想疯狂咁食炸香芋波呀！