雅苑小廚 (已結業)

孤家寡人每日最烦恼既就系谂每朝食乜晏就食乜夜晚又食乜好，自己一个最麻烦就系依样野，今日得闲决定离开屋企街远少少望下有乜野好食。行左15分钟见到依间野，望落唔错好似几好食又唔会好贵，决定行入去一试。坐低左见到菜单几多野拣同埋价钱几相宜，谂左阵，紧系拣啲麻甩佬钟意食既野试下啦。Order左个烧汁茄子牛仔骨同三杯大肠煲，等左十分钟试菜啦！个烧汁茄子牛仔骨既烧汁岩岩好，牛仔骨软腍唔会有雪味，唔错唔错，茄子就不过不失啦。而个三杯大肠仔煲，大肠炸过肥味可口，唔会有怪味，配上三杯风味简直一流！搞到我食左两碗饭抱住个肚走🤣🤣🤣