滾得棧

营业中

休息中

经过尖沙咀棉登径，见到火锅店午市原来有点心食，每一笼点心2-3件，人少少都得，而且款式充满住传统与创新。最推荐嘅系传统灌汤饺，灌汤饺既汤汁鲜美，饺子皮薄滑，饺子面仲有素翅，必点之选。另外蟹肉带子露荀饺搭配非常好，蟹肉同埋带子非常有鲜味；冬笋活剥鲜虾饺皇入面既虾肉好大粒，冬笋既清香和鲜虾既爽口相互交融；黑松露蒸烧卖亦非常出色，每一啖都食到黑松露既香气。创新点心类别好值得叫，脆炸墨鱼荔枝球外型好似一粒粒嘅荔枝，外皮的脆感，加上弹牙墨鱼球，非常独特；清酒云吞鸡一开盖就闻到清酒既香气，鸡肉滑嫩，让人回味无穷；脆皮麦心小煎堆非常香口，豆沙馅料加上朱古力；姬松茸汤浸韭菜饺既汤系精粹，让人回味无穷。最后食埋甜品，迷你法式焦糖炖蛋同埋桃胶雪耳炖3.6牛乳，焦糖炖蛋又香又甜，桃胶雪耳炖3.6牛乳非常滋润。