小食•棠 (已結業)

小食 • 棠，店如其名，卖嘅就系一般港式小食：鱼蛋烧卖鸡翼鸡髀多士三文治捞面捞丁颓饭等等等等，食物大众化，价钱亲民，三四十蚊就食到个肚饱一饱。必食推介爆炸鱼蛋，十蚊有五大粒，非常抵食，之前曾经有街坊请我食过，惊为天人；今次再试，新鲜热辣，肉质弹牙，食到阵阵油炸嘅香气之余又唔会觉得好油淋淋，真系好正👍。叫多个店家推介嘅猪颈肉鸡蛋芝士捞面，猪颈肉份量算多，肉质软腍（ 我最怕好似柴皮嘅猪颈肉😂），腌得颇入味；酱汁嘅芝士味虽然唔算好浓，但份量又系劲多，捞埋成碗嘢嚟食，其实好腻，不过又好滋味🤗。店嘅面积虽然好细，得几个堂食座位，但到处都系文宣同连侬墙，门口仲摆咗一张枱畀人写 memo 纸，张枱仲阔过我食嘢张 bar 枱，可见在老板心目中，孰轻孰重。我忽然想起圣经故事入面奉献两个小钱嘅穷寡妇 ❤️。