影片
更多
2024-05-04
18 浏览
阿妈阿爸都钟意食中菜，嚟紧嘅母亲节我就有好推介！✨芝麻虾多士| 陈醋蜂蜜排骨 | 脆皮素春卷一客三件小点心，烹调得不油不腻，特别喜欢虾多士，芝麻洒得满满又带轻轻的麻香。陈醋排骨肉量惊人，咬落爽嫩，醋味拿捏得唔错。✨湖区海鲜羮海鲜羮配料多得惊人！入口丰富，清淡得宜。除咗豆腐之外，亦都品尝到粒粒嘅虾肉、贝柱仔，而最重要嘅系佢够热！✨蒜蓉粉丝蒸扇贝系一间高级餐厅品尝到扇贝应有嘅大排档味道！厨师落左大量蒜蓉爆香用作调味，扇贝厚肉鲜甜，加上一小口粉丝更为惹味。✨棒棒吉列虾挂包带点Fushion嘅菜色同样有惊喜。棒棒虾炸得酥脆，夹上千岛沙津酱确系最佳搭配。外层包裹住中式夹膜，咬落先有一份松软再有脆口感。✨干烧姜汁鳕鱼鳕鱼配上中式嘅姜汁，展现中西合璧。旁边亦都配咗一份炒饭，简简单单嘅粟米同火腿都粒粒金黄！就算老公平时系饭桶，今次呢个套餐佢都话够晒饱。✨甜品绝对系诚意之作，分别有朱古力Opera Cake，同 🍊 Pana Cotta ，两款嘅层次都做得清晰明显，歌剧院蛋糕朱古力味浓郁，更用上咗红桑子同蓝莓作点缀；柑橘口味嘅甜品，底部饼干实净脆口，面头酸酸甜甜，作为结尾都唔会觉得太过甜腻！见到餐厅喺O
阿妈阿爸都钟意食中菜，嚟紧嘅母亲节我就有好推介！
✨芝麻虾多士| 陈醋蜂蜜排骨 | 脆皮素春卷
一客三件小点心，烹调得不油不腻，特别喜欢虾多士，芝麻洒得满满又带轻轻的麻香。陈醋排骨肉量惊人，咬落爽嫩，醋味拿捏得唔错。
✨湖区海鲜羮
海鲜羮配料多得惊人！入口丰富，清淡得宜。除咗豆腐之外，亦都品尝到粒粒嘅虾肉、贝柱仔，而最重要嘅系佢够热！
✨蒜蓉粉丝蒸扇贝
系一间高级餐厅品尝到扇贝应有嘅大排档味道！厨师落左大量蒜蓉爆香用作调味，扇贝厚肉鲜甜，加上一小口粉丝更为惹味。
✨棒棒吉列虾挂包
带点Fushion嘅菜色同样有惊喜。棒棒虾炸得酥脆，夹上千岛沙津酱确系最佳搭配。外层包裹住中式夹膜，咬落先有一份松软再有脆口感。
✨干烧姜汁鳕鱼
鳕鱼配上中式嘅姜汁，展现中西合璧。旁边亦都配咗一份炒饭，简简单单嘅粟米同火腿都粒粒金黄！就算老公平时系饭桶，今次呢个套餐佢都话够晒饱。
✨甜品
绝对系诚意之作，分别有朱古力Opera Cake，同 🍊 Pana Cotta ，两款嘅层次都做得清晰明显，歌剧院蛋糕朱古力味浓郁，更用上咗红桑子同蓝莓作点缀；柑橘口味嘅甜品，底部饼干实净脆口，面头酸酸甜甜，作为结尾都唔会觉得太过甜腻！
见到餐厅喺OpenRice都有做紧promotion！记住把握机会
张贴
