丸·茶手作 (已結業)

丸茶手作始於何文田，最近分店越開越多，今日經過佐敦就見到佢，決定要試下有幾好飲！丸茶手作佐敦店位於佐敦道，非常鄰近地鐵站，都幾方便！普遍飲品都係10零20幾蚊左右，比一般茶飲店更抵飲呢度主打嘅係手製特色珍珠，款式同口味都好特別架有黑芝麻、紫薯、桂花、櫻花珍珠等等，仲有專員現場即搓，確保新鮮頂級茉香綠茶+黑芝麻珍珠果然係頂級嘅茉香綠茶，綠茶味好清雅而且帶有陣陣茉莉清香！黑芝麻珍珠呈灰黑色，清楚可見當中係有黑芝麻粉，由於係手製關係，所以形狀會有少少不一，口感好煙韌彈牙，帶有黑芝麻香，正！極品鐵觀音茶味濃郁，好出色，去冰去糖夠晒健康！食飽飯飲就啱晒，解油膩！白毫烏龍茶+芝士奶蓋烏龍茶味香濃，唔澀口，好飲！奶蓋好厚身，質感細膩，但芝士味唔算好突出，略甜，整體不過不失