影片
更多
2022-08-17
106 浏览
坚信号生煎包听人介绍咗好多次，终于有机会嚟到其中呢间位于深水埗嘅分店。招牌生煎包呢个招牌生煎包真系无得顶，包底香脆，肉汁丰富，肉同包嘅比例拿捏得宜，而食𠮶阵要小心，喺咬落去𠮶下啲肉汁系会好易爆哂出嚟。外婆红烧肉配菜饭：红烧肉用咗上等五花腩，见到完美肥瘦分明咁分咗五层。炆煮得好入味，亦都够哂腍，佢哋嘅酱汁有好浓嘅南乳香，好有家嘅味道，配埋菜饭一齐食，有效消减红烧肉嘅油腻感。京葱牛肉配菜饭：牛肉份量好足，镬气十足，牛肉带有京葱嘅香味，牛肉肉味都好浓，用埋秘制酱料一齐炒更加惹味。坚揪小笼包：平时嘅灌汤小笼包系用猪肉馅，但呢款坚揪小笼包就用上嫩滑嘅鸡髀肉同埋紫椰菜，所以食落会更加健康。而佢同灌汤小笼包一样都做到皮薄馅靓，入面嘅肉汁仍然丰富。凉拌青瓜：够哂清新清爽，好啱夏天食嘅小食。洛神花蜜，柚子梳打：前者有亮丽嘅红色，酸酸甜甜好开胃。后者清凉解渴，柚子蜜嘅份量控制得宜，甜度适中。
招牌生煎包
呢个招牌生煎包真系无得顶，包底香脆，肉汁丰富，肉同包嘅比例拿捏得宜，而食𠮶阵要小心，喺咬落去𠮶下啲肉汁系会好易爆哂出嚟。
外婆红烧肉配菜饭：
红烧肉用咗上等五花腩，见到完美肥瘦分明咁分咗五层。炆煮得好入味，亦都够哂腍，佢哋嘅酱汁有好浓嘅南乳香，好有家嘅味道，配埋菜饭一齐食，有效消减红烧肉嘅油腻感。
京葱牛肉配菜饭：
牛肉份量好足，镬气十足，牛肉带有京葱嘅香味，牛肉肉味都好浓，用埋秘制酱料一齐炒更加惹味。
坚揪小笼包：
平时嘅灌汤小笼包系用猪肉馅，但呢款坚揪小笼包就用上嫩滑嘅鸡髀肉同埋紫椰菜，所以食落会更加健康。而佢同灌汤小笼包一样都做到皮薄馅靓，入面嘅肉汁仍然丰富。
凉拌青瓜：够哂清新清爽，好啱夏天食嘅小食。
洛神花蜜，柚子梳打：前者有亮丽嘅红色，酸酸甜甜好开胃。后者清凉解渴，柚子蜜嘅份量控制得宜，甜度适中。
张贴
