MAZ Thai & BBQ (已結業)

泰国菜唔一定要去到泰国食先至最正宗，喺湾仔就有间正宗泰国菜餐厅啦。有传统同创意兼备嘅泰国籍厨师，仲有同样对饮食质素有要求嘅老板。呢度一到夜晚就化身小型酒吧，同朋友们一齐饮杯酒食泰菜最适合啦。古铜色嘅招牌相当吸睛，复古得嚟又带出现代感。餐厅橙黄色灯光俾人好温暖感觉，装潢都好别致，有长形吧台同沙发座位，分别两种唔同风格。即叫即做嘅，有熟虾、木瓜丝、腰果、辣度仲可以自己选择，加入指天椒味道更香浓独特，酱汁甜咸酸辣样样齐，系开胃佳品！呢份薄饼共有8件，2人共享绝无问题。饼底系用云吞皮特制，焗完后更香脆，仲非常足料！榴梿蓉铺满整块薄饼，配上柠檬皮碎有另一种味道。阵阵榴梿味扑鼻而来，小编闻到都流晒口水，食落香甜而不腻，榴梿迷必食！有猪肉、牛肉、鸡肉各2串，可以一次过满足大家唔同口味。如果唔食牛肉，仲可以同餐厅提出用其他肉串代替，服务认真贴心。成个拼盘小编最爱牛肉串，肉质唔会太干身又嫩滑惹味有咬感，沾埋沙爹酱汁甜甜地，香浓美味。用泰国黑豆豉、香茅、辣椒加入少量酒炒成嘅酱汁，同肉蟹搭配恰到好处。辣蟹非常入味，啖啖蟹肉都充满豉椒味，肉质好嫩滑，完全停唔到口。