湘蜀人家

营业中

休息中

位于湾仔大有广场2楼，用🇨🇳中国风🇨🇳做装修既湘蜀人家，除咗门面同埋店面之外，佢餐桌上嘅枱布同埋餐具都睇得出系经过悉心挑选，餐具系用在中国川剧嘅艺术”变脸”做主题，拎住嚟打卡影相一流。📸❄️四川凉粉❄️粉条Q弹滑溜再配以凉粉底下既青瓜丝一齐食，唔好俾佢红当当嘅外表吓亲，唔会好辣，酸酸地，惹味又开胃。🐑京葱爆羊肉🐑用咗京葱、洋葱、少量芫荽去爆炒羊肉，爆炒后仍然留住羊肉肉汁，配以京葱一齐食，湖南风味十足。🐄水煮嫩牛肉🐄除咗牛肉之外，仲有笋、豆芽、芹菜等等，牛肉有预先腌制过，斋睇相都知佢又滑又嫩，烹调牛肉嘅时间掌握得非常之好，唔会过熟，唔好睇佢嘅颜色咁红亮，好似好辣，其实辣味属于中小，但有一种令人追住食既吸引力。🥬鲜鱼汤浸时菜🥬一见到呢味菜，双眼已经发光，鱼汤鲜甜唔鯹，店家用以娃娃菜同埋木耳去烹调，娃娃菜嘅甜味融入咗响鱼汤入面，啱晒我呢个鱼汤爱好者。湘菜系中国八大名菜系之一，响海外，湘菜亦都被视作中国菜嘅代表之一，湘菜嘅辣味🌶️丰富，令到好多原本唔习惯食辣椒味道嘅人都会钟意食湘菜，所以各位一定唔可以错过。