云手工火鍋店

营业中

休息中

FD介绍咗哩间好特别嘅火锅店，有火焰火锅睇，咁特别一定要试试。成间餐厅装修得几得意，好似一个个包房咁，坐得几阔落。餐厅提供九宫格小料，有香菜，辣椒同葱等，啱晒所有口味。可乐同忌廉，食开火锅一定要叫碳酸嘢饮。火焰沙白蟹锅，侍应推咗车仔过来，海鲜锅里面有一只蟹同唔少沙白，蟹下面仲有一大粒牛油，会当面用牛油来炒蟹。之后落完酒，侍应会小声提醒，宜家要点火，要小心啦。点火真系好惊喜，成个锅都著咗，影返几张靓相先。最后倒落香菜同芹菜高汤一齐煲，侍应仲提醒等汤煲滚咗，可以先饮碗汤。成锅汤煲滚以后，真系好好饮，高汤加咗海鲜以后，更加鲜甜。沙白用酒同牛油烹饪后，食落好好味。蟹肉一就知系新鲜货，蟹肉好弹牙同鲜甜，唔错。牛胸爽，烫30秒已经可以食，食落好Q弹同埋好重牛香，好味。新鲜黑百叶，百叶7上8下已经可以食，食落好爽口。韩式泡菜牛肉饺，哩个系FD介绍嘅，又真系好少见。饺子里面泡菜都几多下，牛肉同泡菜好match，食到停唔落口。午餐肉，质素唔错，一碟几大份，全部食完好饱TIM。哩间火锅真系好有新意，上次FD食过嘅火焰三椰鸡锅都好推荐，下次一定要再黎试下！