Burger Shot

营业中

休息中

好耐冇食burger，今日特登同朋友嚟间mark低左好耐嘅burger店试下，虽然位置比较偏僻，但装修一啲都唔马虎，工业式设计令整间burger店更显格调，绝对称得上隐世。今日天气热，所以我地入左室内坐，下次天气凉啲坐室外应该都几写意。我哋嗌左一个霸气双层安格斯芝士汉堡（$118）同埋一个满肉烟烟牛牛芝士汉堡（$108）再加左两盒脆炸鸡块小食（$38x2）同埋可乐先讲霸气双层安格斯芝士汉堡，我哋都比佢份量吓亲，两块超大超厚嘅安格斯都系手打，而且即叫即煎，咬落非常juicy，啖啖肉汁。酱汁同芝士都非常夹，唔会觉得好腻。而满肉烟烟牛牛芝士汉堡都充满惊喜，牛肉同样爆肉汁，而烟肉配合牛肉令口感更丰富，非常之香。脆炸鸡块都系即叫即炸，嚟到系热辣辣㗎。值得一赞系佢地嘅自家制酱汁，有8种酱供选择，每样都好独特，唔系平时出面会见到嘅。我哋今次就试左辣辣白酱同埋蜜糖芥辣，个人比较钟意辣辣白酱，辣味加上炸鸡更冲击味蕾，而蜜糖芥辣甜甜辣辣亦都好特别，令我忍唔住一食再食。